26 жніўня прайшоў фінал Рэспубліканскага творчага конкурсу юных чытальнікаў “Жывая класіка – 2020”. Удзельнікі конкурсу – юныя таленты з розных куткоў нашай рэспублікі.
Творы, выбраныя ўдзельнікамі, разнастайныя. Гэта вершы Коласа, Караткевіча, Панчанкі... А самыя папулярныя тэмы – лёс радзімы, жыццё вёскі, Вялікая Айчынная вайна. Няпросты выбар трэба было зрабіць членам журы, сярод якіх быў генеральны дырэктар “алмаза ведаў” Раман Матульскі. Лепшыя чытальнікі выйдуць на святочную сцэну XXVII Дня беларускага пісьменства ў Бялынічах Магілёўскай вобласці.
Арганізатары конкурсу – Міністэрства інфармацыі Рэспублікі Беларусь, Міністэрства адукацыі Рэспублікі Беларусь, ЗАТ “Сталічнае тэлебачанне”, ГА “Саюз пісьменнікаў Беларусі”.
Матэрыял пададзены аддзелам сувязей з грамадскасцю.
