ГалоўнаяНавіныНавіны Нацыянальнай бібліятэкі Беларусі
Рэсурсы віртуальнай чытальнай залы НББ – для інклюзіўнай адукацыі
“Мультчытайка” па казцы “Аліса ў краіне цудаў”

Прайшла серыя мерапрыемстваў да 80-годдзя Брэсцкай абласной бібліятэкі

Прайшла серыя мерапрыемстваў да 80-годдзя Брэсцкай абласной бібліятэкі
Іншыя навіны

Цэлы шэраг творчых і ўрачыстых мерапрыемстваў быў прымеркаваны да 80-годдзя Брэсцкай абласной бібліятэкі.

Першай стала прэзентацыя манаграфіі “Асэнсаванне шэдэўра. Берасцейская Біблія”, выдадзенай у Нацыянальнай бібліятэцы Беларусі. Аўтарам даследавання стаў намеснік генеральнага дырэктара Нацыянальнай бібліятэкі Беларусі, старшыня Міжнароднай асацыяцыі беларусістаў Алесь Суша. У манаграфіі сабраны вынікі комплекснага навуковага даследавання Брэсцкай Бібліі – самага дарагога і самага вялікага выдання Беларусі XVI–XVIII стагоддзяў. Гэта Біблія стала сапраўднай легендай, якую вучоныя заслужана называюць шэдэўрам кніжнай культуры эпохі Адраджэння. Выданне выйшла ў свет у Брэсце 4 верасня 1563 года за кошт нясвіжскага князя, віленскага ваяводы, канцлера Вялікага Княства Літоўскага Мікалая Радзівіла і адразу ж звярнула на сябе ўвагу чытачоў, даследчыкаў, багасловаў, перакладчыкаў не толькі ў Беларусі, Літве і Польшчы, але і далёка за межамі рэгіёна.

Даследчык апісаў абставіны стварэння шэдэўра, абагульніў развагі пра яго значнасць як твора кніжнага мастацтва, моўнай культуры, біблеістыкі, падкрэсліў непаўторныя рысы кніжнага помніка. Аўтар прааналізаваў, што зроблена для вяртання Брэсцкай Бібліі ў грамадскую свядомасць, культурны і навуковы ўжытак і што яшчэ можна для гэтага зрабіць.

Відэазапіс прэзентацыі даступны анлайн па адрасе: https://youtu.be/qS58jcgWkn0.

Другім важным мерапрыемствам стала адкрыццё музейна-выставачнай экспазіцыі аддзела рэдкай кнігі. Аддзел рэдкай кнігі – самае маладое структурнае падраздзяленне бібліятэкі: ён утвораны з аднайменнага сектара. Цяпер яго фонд налічвае больш за 2,7 тыс. экзэмпляраў розных дакументаў на беларускай, рускай, польскай, нямецкай, англійскай, іншых еўрапейскіх мовах, а таксама лацінскай і эсперанта. Гэта кнігі, брашуры, лістоўкі, карты, перыядычныя выданні, архіўныя дакументы пачынаючы з XVI стагоддзя да нашых дзён. Фонды працягваюць павялічвацца. У старых сценах стала цесна: было вырашана выдзеліць аддзелу новае памяшканне, а з самых каштоўных, рэдкіх і ўнікальных выданняў стварыць пастаянную музейна-выставачную экспазіцыю.

Цэнтральнае месца тут займае жамчужына кніжнага фонду – фрагмент Брэсцкай Радзівілаўскай Бібліі, выдадзены 4 верасня 1563 года ў Брэсцкай друкарні. Ён уключае часткі кнігі са Старога і Новага Запаветаў – усяго 69 аркушаў. Мяркуецца, што фрагмент быў сфарміраваны ў канцы XIX стагоддзя, якім датуецца яго пераплёт. Сёння вядома аб трох экзэмплярах Брэсцкай Бібліі, што захоўваюцца ва ўстановах Беларусі.

У экспазіцыі прадстаўлены і іншыя выданні, якімі можа ганарыцца любая бібліятэка свету. Напрыклад, дзве кнігі буйнейшай нідэрландскай друкарні Крыстафера Плантэна, заснаванай у 1555 годзе ў Антверпене. Цікавасць таксама ўяўляюць польскае выданне 1611 года “Хронікі Еўрапейскай Сарматыі”, 1-ы том выбраных прац Жана Батыста Русо, надрукаваны ў Парыжы ў 1799 годзе, том гербоўніка XVIII стагоддзя “Карона Польская”, акты Віленскай археаграфічнай камісіі, зборнік пастаноў для жыхароў Брэст-Літоўска. У вітрынах можна ўбачыць “Памятную кніжку Гродзенскай губерні на 1866 год”, этнаграфічны зборнік “Пінчукі” канца XIX стагоддзя, прыжыццёвыя выданні зборніка гістарычных песень Юльяна Нямцэвіча і класікаў беларускай літаратуры – Вацлава Ластоўскага, Цішкі Гартнага і іншых.

Намеснік старшыні аблвыканкама Генадзь Барысюк павіншаваў калектыў бібліятэкі з юбілеем, адзначыўшы, што гэта культурна-адукацыйны і навукова-даследчы цэнтр рэгіёна. “Гэта флагман бібліятэчнай навукі нашай вобласці, месца, дзе і на словах, і на справе захоўваюць гісторыю, культуру”, – сказаў ён. Віцэ-губернатар паабяцаў, што ўлады і ў далейшым будуць знаходзіць сродкі для папаўнення бібліятэчных фондаў. Дарэчы, ужо ў час прэзентацыі некалькі рэдкіх кніг і архіўных дакументаў установе падарылі запрошаныя госці, сярод якіх былі ганаровыя чытачы, мецэнаты, краязнаўцы. Так, намеснік генеральнага дырэктара – дырэктар па навуковай рабоце і выдавецкай дзейнасці Нацыянальнай бібліятэкі Аляксандр Суша перадаў у дар калегам прыжыццёвае выданне кнігі Максіма Горкага, чыё імя носіць Брэсцкая абласная бібліятэка.
Навіны

Літаратурныя смачнасці: 10 мастацкіх кніг з рэцэптамі

12 Май 2018

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

“Цікава пачытаць”: кніга “Мора ў чамадане, або Казка вяртаецца”

12 Май 2021

8 мая ў дзіцячым пакоі на занятках “Цікава пачытаць” дзеці даведаліся аб займальных прыгодах школьніцы Марыі Лапінай – галоўнай гераіні кнігі Надеі Ясмінска “Мора ў чамадане, або Казка вяртаецца”.

Навіны Нацыянальнай бібліятэкі Беларусі

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Бібліятэкарам
111