ГалоўнаяНавіныНавіны Нацыянальнай бібліятэкі Беларусі
Візіт дырэктара НББ у Японію
Пасяджэнне Савета дзелавога супрацоўніцтва Рэспублікі Беларусь і Санкт-Пецярбурга

Правы чалавека - вышэйшая сацыяльная каштоўнасць

Іншыя навіны

З 1 лістапада па 31 снежня 2007 года ў зале перыядычных выданняў (памяшканне 106) праходзіць тэматычная выстаўка "Правы чалавека - вышэйшая сацыяльная каштоўнасць".


Правы чалавека закранаюць жыццё кожнага з нас і з'яўляюцца неад'емнай часткай узаемаадносін грамадзяніна і дзяржавы. Менавіта таму адкрыццё такой выстаўкі асабліва актуальна.
У экспазіцыі прадстаўлена больш за 30 публікацый розных аўтараў з беларускіх і расійскіх перыядычных выданняў, сярод якіх "Веснік Брэсцкага дзяржаўнага універсітэта", "Веснік Віцебскага дзяржаўнага універсітэта", "Веснік Гродзенскага дзяржаўнага універсітэта", "Веснік Канстытуцыйнага Суда Рэспублікі Беларусь", "Юстыцыя Беларусі", “Вестник Высшего Хозяйственного  Суда Республики Беларусь”, “Закон и право”, “Право и образование”, “Право и политика”, “Экономика и управление”, “Юридический мир”, “Юрист”  і іншыя.
Матэрыялы выстаўкі раскрываюць  розныя аспекты вывучэння правоў чалавека: грамадзянскі, палітычны, сацыяльны, эканамічны, культурны. У дакументах, эскпанаваных на выстаўцы, шырока асвятляецца шэраг пытанняў па гісторыі развіцця і сучасным стане прававой дзейнасці як у нашай рэспубліцы, так і ў сферы міжнародных адносін. Вялікая ўвага надаецца праблемам абароны правоў  чалавека на працу, адукацыю, свабоду сумлення, сацыяльнае забеспячэнне. Падрабязную інфармацыю па гэтых пытаннях наведвальнікі могуць знайсці ў шматлікіх публікацыях: “Закрепление принципа равенства прав, свобод и обязанностей человека и гражданина в Конституции Республики Беларусь”, “Право гражданина на образование: историко-правовой аспект”, “Права женщин: становление, развитие, проблемы”, “Международно-правовой стандарт в области прав и свобод человека в рамках Конституций Украины и Беларуси”  і іншых.
Асобнае месца ў экспазіцыі займаюць матэрыялы, прысвечаныя пытанням прававой абароны дзяцей. З мэтай забеспячэння дзяржаўнай і грамадскай падтрымкі і абароны дзяцінства, стварэння ўмоў для станаўлення і гарманічнага развіцця асобы 2007 год Указам Прэзідэнта Рэспублікі Беларусь абвешчаны Годам дзіцяці. Прадстаўленыя на выстаўцы публікацыі  “Новое в белорусском законодательстве по защите прав и законных интересов детей”, “Создать детский правовой сайт”  паведамляюць аб даследаваннях у галіне сацыяльнай палітыкі дзяржавы, накіраванай на ўзмацненне абароны правоў і законных інтарэсаў дзяцей, а таксама аб стварэнні  унікальнага прававога Інтэрнэт-праекта - дзіцячага сайта, адрасаванага дзецям і падлеткам.
Нараўне з традыцыйнымі групамі правоў чалавека на выстаўцы сабраныя і новыя, што рэалізуецца  пры выкарыстанні грамадствам дасягненняў біялогіі і медыцыны. Яны адлюстраваны ў публікацыях Берагцовай Д.С. “Права человека в свете достижений современной генетики”, “Теоретико-правовые аспекты прав человека в области биомедицины”. 
Выстаўка  "Правы чалавека - вышэйшая сацыяльная каштоўнасць" прымеркавана да Дня правоў чалавека, што ў сусветнай суполцы адзначаецца з пачатку 1950 года. Пералік і змест асноўных правоў чалавека вызначаны ва Усеагульнай дэкларацыі правоў чалавека, прынятай Генеральнай Асамблеяй ААН 10 снежня 1948 года.
 
Кантактны  тэлефон 293-25-87
Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111