У гэтым годзе ў рамках праекта “Беларусь сёння” калекцыі беларускіх выданняў атрымалі ў дар Усерасійская дзяржаўная бібліятэка замежнай літаратуры імя М.І. Рудаміно і Нацыянальная бібліятэка Удмурцкай Рэспублікі.
Камплекты, перададзеныя на бязвыплатнай аснове, уключаюць больш за сто кніг вядучых беларускіх выдавецтваў. Чытачы Усерасійскай дзяржаўнай бібліятэкі замежнай літаратуры імя М.І. Рудаміно і Нацыянальнай бібліятэкі Удмурцкай Рэспублікі змогуць азнаёміцца з лепшымі літаратурна-мастацкімі, навуковымі, навукова-папулярнымі выданнямі, энцыклапедыямі, даведнікамі і фотаальбомамі нашай краіны.
Праект “Беларусь сёння” рэалізуецца Нацыянальнай бібліятэкай Беларусі і Міністэрствам культуры Рэспублікі Беларусь з 2010 года. Па ўмовах праекта плануецца штогод перадаваць некалькім найбуйнейшым бібліятэкам свету айчынныя выданні, якія найбольш поўна адлюстроўваюць сацыяльна-эканамічнае і палітычнае жыццё Беларусі, яе шматвяковую гісторыю і культуру.
Матэрыял пададзены аддзелам сувязей з грамадскасцю.
Чытайце таксама: Міжнароднаму праекту “Беларусь сёння” 10 гадоў