Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.
Унікальныя экспанаты, а гэта кнігі з экслібрысамі і дароўнымі надпісамі з асабістай бібліятэкі пісьменніка, а таксама рэдкія фотаздымкі і рэчы, можна будзе ўбачыць да канца студзеня.
Прапануем вашай увазе запіс праграмы радыё “Культура”, дзе пра цікавосткі экспазіцыі ў гутарцы з Наталляй Сіроткай расказала загадчык сектара музейнай дзейнасці навукова-даследчага аддзела кнігазнаўства Таццяна Захарава.
Выстава падрыхтавана сумесна з захавальнікамі спадчыны Уладзіміра Караткевіча – сям’ёй яго пляменніцы Алены Сінькевіч.
У экспазіцыі таксама прадстаўлены кнігі з фондаў Дзяржаўнага музея гісторыі беларускай літаратуры.
Выстава “З кніг Уладзіміра Караткевіча” будзе працаваць да 31 студзеня 2021 г. штодзень, акрамя панядзелка і дзяржаўных свят.
Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.
Замова экскурсій па тэлефоне: (8 017) 293 27 22.
Матэрыял пададзены навукова-даследчым аддзелам кнігазнаўства.