22 верасня ў бібліятэцы адбудзецца ўрачыстае адкрыццё мастацкай выстаўкі Маргарыты Маніс “Прагулка па сталіцы”.
Выстаўка пазнаёміць зацікаўленых з Мінскам, які яны яшчэ не бачылі. Рэчаіснасць ў карцінах Маніс заззяла свежымі фарбамі. Гэта прынцыпова новы позірк на горад.
Пры ўспрыманні карцін мастачкі дзейнічае закон навізны і кантрастнасці ўражанняў. Яна ўносіць у свае працы элемент iнтуiцыi, імправізацыі, здагадкі. Гэта не проста пачуццёвае ўспрыманне або інтэлектуальнае намаганне, а такое бачанне свету, у якім арганічна зліты і пачуцці, і розум, і эмоцыі, гэта – разуменне свету ўсёй цэласнасцю чалавечага быцця, якое робіць гледача больш добрым і адухоўленым, дазваляе знаходзіцца ў стане ўважлівасці і адкрытасці да ўсяго навакольнага.
Вернісаж пачнецца а 16-й гадзіне ў галерэі «Атрыум» (3-ці паверх).
Тэлефоны для даведак: (8 017) 266 37 70, 293 27 65.
Е-mail: pr@nlb.by