ГалоўнаяНавіныНавіны Нацыянальнай бібліятэкі Беларусі
Парламент – Нацыянальны сход Рэспублікі Беларусь: шляхі ўдасканалення
Пра беларускую музычную культуру XIX – пачатку XX стагоддзя

Прафесійны візіт у “Замак святла”

Прафесійны візіт у “Замак святла”
Іншыя навіны

Дэлегацыя “алмаза ведаў” у складзе Ірыны Васільковіч, загадчыцы сектара арганізацыі кніжных выставак, Ганны Каваленка, вядучага бібліятэкара сектара міжнародных сувязей, Ксеніі Крэйда, метадыста сектара міжнародных сувязей, і Іны Каранінай, метадыста сектара экскурсійнай работы, азнаёмілася з вопытам работы Латвійскай нацыянальнай бібліятэкі і Бібліятэкі Латвійскага ўніверсітэта.

Мэтай візіту, які прайшоў з 22 па 26 кастрычніка, стала наладжванне новых прафесійных кантактаў, абмен вопытам і пашырэнне супрацоўніцтва паміж нашымі арганізацыямі. Паездка адбылася дзякуючы падтрымцы праекта MOST (Mobility Scheme for Targeted People-to-People-Contacts / Праграма мабільнасці для мэтанакіраваных міжасобасных кантактаў), накіраванага на пашырэнне кантактаў паміж грамадзянамі Еўрапейскага саюза і Беларусі.

Куратар візіту ў Латвійскую нацыянальную бібліятэку, старшы спецыяліст па пытаннях міжнароднага супрацоўніцтва Вікторыя Маскіна правяла займальную экскурсію па будынку бібліятэкі, распавяла пра яе гісторыю і дзейнасць на сучасным этапе.

Новы будынак Латвійскай нацыянальнай бібліятэкі адкрыўся ў 2014 годзе, атрымаў імя “Замак святла” і стаў адной з галоўных славутасцей Рыгі (архітэктар Гунарс Біркертс). Найбуйнейшая бібліятэка Латвіі сёння адыгрывае важную ролю ў развіцці інфармацыйнага грамадства, падтрымцы навуковых даследаванняў і бесперапыннай адукацыі.

Беларуская дэлегацыя наведала папулярныя экспазіцыі “Нябачныя бібліятэкі” і “Кніга ў Латвіі”, дзе акрамя вывучэння каштоўных экспанатаў таксама да кніг можна дакрануцца, панюхаць яе, паслухаць і нават паспрабаваць на смак. Калегі з выставачнага цэнтра бібліятэкі распавялі пра спосабы і магчымасці перайначвання змянення і трансфармацыі выставачных прастор. Таксама цікавым і карысным быў вопыт замежных калег у выкарыстанні брэндынгу як інструмента прасоўвання бібліятэк. Падчас візіту спецыялісты абмяняліся вопытам вядзення міжнароднай дзейнасці, а таксама абмеркавалі перспектывы супрацоўніцтва.

У хуткім часе Нацыянальная бібліятэка Беларусі адзначае сваё стагоддзе. З гэтай нагоды прадстаўнікі падраздзялення сувязей з грамадскасцю падзяліліся вопытам святкавання стагоддзя Латвійскай нацыянальнай бібліятэкі, распавялі пра нестандартныя рашэнні, якія ўжывалі пры падрыхтоўцы да юбілею.

Візіт завяршыўся сустрэчай з супрацоўнікамі бібліятэкі Латвійскага ўніверсітэта, вядомай сваім інавацыйным падыходам да абслугоўвання карыстальнікаў. Калегі з Беларусі наведалі таксама Уселатвійскі кніжны кірмаш.

Выказваем падзяку кіраўніцтву і каардынатарам праграмы мабільнасці MOST за прадастаўленую магчымасць развіцця прафесійных кантактаў.

Матэрыял падрыхтаваны аддзелам сувязей з грамадскасцю.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111