ГалоўнаяНавіныНавіны Нацыянальнай бібліятэкі Беларусі
Другія ўгодкі Кастрычніцкай рэвалюцыі на старонках беларускіх газет
Служэнне Фемідзе і грамадству

Прафесійная стажыроўка ў Амстэрдаме

Прафесійная стажыроўка ў Амстэрдаме
Іншыя навіны

Дзякуючы падтрымцы праекта Еўрапейскага Саюза “MOST” супрацоўніцы навукова-даследчага аддзела кнігазнаўства Нацыянальнай бібліятэкі Беларусі прайшлі стажыроўку ў горадзе Амстэрдам (Нідэрланды).

Загадчыца сектара музейнай дзейнасці Таццяна Захарава і загадчыца сектара навукова-праектнай работы Таццяна Сапега прынялі ўдзел у праекце МТП “EU4MOBILITY – МОСТ. Этап II Праграмы мабільнасці для мэтанакіраваных міжасобасных кантактаў”, які фінансуецца ЕС.

У складзе групы яны наведалі вядучыя бібліятэкі і музеі Амстэрдама, а таксама прынялі ўдзел у канферэнцыі. Асноўнымі арганізацыямі для стажыроўкі сталі Амстэрдамская публічная бібліятэка, Дзяржаўны музей Амстэрдама, Музей Ван Гога і бібліятэка музея.

Падчас візіту ў Амстэрдамскую публічную бібліятэку (Openbare Bibliotheek Amsterdam) Таццяна Захарава і Таццяна Сапега азнаёміліся з асноўнымі напрамкамі дзейнасці адной з самых буйных публічных бібліятэк Еўропы, яе паслугамі і адукацыйнымі праграмамі, вывучылі функцыі аддзела дзіцячай літаратуры і аддзела планавання і абслугоўвання.

Amsterdam-1.jpg

У структуру Дзяржаўнага музея Амстэрдама (Rijksmuseum) уваходзіць бібліятэка, якая з’яўляецца самай вялікай грамадскай бібліятэкай даследавання гісторыі мастацтва ў Нідэрландах. Пры бібліятэцы ёсць выставачная прастора, дзе экспануюцца кніжныя помнікі. Таццяна Захарава і Таццяна Сапега азнаёміліся з асноўнымі і часовымі экспазіцыямі музея, метадамі экспанавання, арганізацыяй работы аўдыягіда, паслугамі і адукацыйнымі праграмамі музея.

Amsterdam-2.jpg

У Музеі Ван Гога (Van Gogh Museum) захоўваецца самая вялікая калекцыя работ мастака, а таксама яго малюнкаў і лістоў, створаны прасторы для дзяцей і дзейнічае разнастайная адукацыйная праграма.

Amsterdam-3.jpg

Адзін з праектаў бібліятэкі музея – факсімільнае выданне эскізных альбомаў Ван Гога. Таццяна Захарава і Таццяна Сапега азнаёміліся з факсімільным выданнем, арганізацыяй бібліятэчнага фонду, базай даных і бібліяграфічнымі выданнямі.

Amsterdam-4.jpg

25 кастрычніка Таццяна Захарава і Таццяна Сапега прынялі ўдзел у працы міжнароднай канферэнцыі MuseumNext, у якой у якасці спікераў узялі ўдзел прадстаўнікі вядучых музеяў Еўропы, якія падзяліліся вопытам па дыгіталізацыі і стварэнні электронных праектаў, распрацоўцы лічбавага кантэнту і развіцці бізнес-стратэгій у бібліятэках і музеях, развіцці аўдыторыі і адукацыйных праграм.

Amsterdam-5.jpg

Дзякуючы стажыроўцы, якая прайшла з 20 па 26 кастрычніка, супрацоўнікі набылі новы вопыт і веды, азнаёміліся з інавацыямі, прадуктамі і перадавымі тэхналогіямі ў бібліятэчна-музейнай сферы, наладзілі супрацоўніцтва з замежнымі калегамі. У арганізацыях Амстэрдама былі прадстаўлены дасягненні і вынікі работы навукова-даследчага аддзела кнігазнаўства Нацыянальнай бібліятэкі Беларусі.

Матэрыял прадастаўлены навукова-даследчым аддзелам кнігазнаўства.

Навіны

Аб пазнавальных выставах і навошта чытаць кнігі

21 Вер 2020

Кальцавыя калідоры Нацыянальнай бібліятэкі Беларусі не толькі прастора для перамяшчэння па будынку, але яшчэ і пляцоўка для выстаў. Важныя даты, цікавыя падзеі – усё гэта знаходзіць адлюстраванне ў пазнавальных кніжных экспазіцыях. У праграме “Мінск і мінчане” тэлеканала СТБ распавялі пра самыя актуальныя ў верасні.

Навіны Нацыянальнай бібліятэкі Беларусі

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

20 Вер 2020

ААТ “Белкніга” падвяла вынікі продажу кніг у студзені–жніўні сёлетняга года. У рэйтынгу продажаў са ста назваў кніг на беларускай мове, выдадзеных у Беларусі, на першым месцы – “Гары Потэр і філасофскі камень” Дж. Роўлінг. Нашы суайчыннікі набылі ў “Белкнізе” 288 асобнікаў. Другое месца – за раманам “Каласы пад сярпом тваім” Уладзіміра Караткевіча (выдавецтва “Попурри”; у рамана – 203 пакупнікі).

Навіны бібліятэк

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

111