ГалоўнаяНавіныДа 100-годдзя літаб'яднання "Маладняк"
Кнігі – у падарунак сельскай бібліятэцы пасёлка Высокае
Імяніны дзіцячай кнігі

Прадстаўляем новы віртуальны праект бібліятэкі “На хвалі часу, у плыні жыцця”

Прадстаўляем новы віртуальны праект бібліятэкі “На хвалі часу, у плыні жыцця”
Іншыя навіны

Віртуальны праект “На хвалі часу, у плыні жыцця” прымеркаваны да 100-годдзя Усебеларускага літаратурнага аб’яднання паэтаў і пісьменнікаў “Маладняк”. Праект разлічаны на доўгі перыяд часу – з 2019 па 2023 год.

Датай стварэння згуртавання “Маладняк” лічыцца 28 лістапада 1923 года, калі ў мінскім камсамольскім клубе “КІМ” сабраліся шэсць маладых пісьменнікаў: Міхась Чарот, Анатоль Вольны, Алесь Дудар, Андрэй Александровіч, Адам Бабарэка, Язэп Пушча – з мэтай стварэння літаратурнай суполкі паэтаў і пісьменнікаў.

Згуртаванне “Маладняк” адыграла вялікую ролю ў развіцці беларускай савецкай літаратуры і станаўленні арганізацыйных форм літаратурнага працэсу. З дзейнасці ў гэтым аб’яднанні пачаўся творчы шлях многіх буйных пісьменнікаў БССР: Петруся Броўкі, Міхаcя Лынькова, Уладзіміра Дубоўкі, Янкі Скрыгана, Пятра Глебкі і інш.

Пра станаўленне і дзейнасць аб’яднання раскажа гістарычная даведка, а таксама алічбаваныя поўныя тэксты часопісаў і альманахаў (“Маладняк”, “Аршанскі маладняк”, “Дняпроўскія ўсплёскі”, “Зарніцы”, “Світанне” і іншыя), кніг з маладнякоўскай кніжніцы (“Маладняк Янку Купалу” (1925), “Слуцкія песняры” (1926) “Алёша” (1927) і інш.), дакументальнай літаратуры. На дадзены момант у праекце прадстаўлена 60 алічбаваных крыніц.

Раздзел “Апантаным усё пад сілу” змяшчае кнігі і перыядычныя выданні пра творчую дзейнасць суполкі. Можна пазнаёміцца з поўнымі тэкстамі кніг Максіма Гарэцкага “Маладняк за 5 гадоў”, Цішкі Гартнага “Узгоркі і нізіны”, Тодара Глыбоцкага (А. Дудара) “Пра нашы літаратурныя справы”; артыкуламі з газет “Звязда”, “ЛІМ” і часопіса “Маладняк”. Фрагментарна выкладзена інфармацыя з рубрык “Хроніка” часопіса “Маладняк” і “Хроніка беларускай культуры” з часопіса “Полымя”, якая знаёміць з дзейнасцю згуртавання (1924–1928).

У рамках супрацоўніцтва з Дзяржаўным музеем гісторыі беларускай літаратуры і Беларускім дзяржаўным архівам-музеем літаратуры і мастацтва была падрыхтавана фотагалерэя ўнікальных фодаздымкаў з подпісамі, выверанымі архівістамі.

На працягу пяці гадоў запланавана прадставіць на партале цыкл праектаў пра выбітных асоб літаратурнай арганізацыі “Маладняк”, якія былі яе актыўнымі сябрамі, арганізатарамі філій літаб’яднання ў розных кутках Беларусі. Запланавана размяшчэнне інфармацыі пра Адама Бабарэку, Кузьму Чорнага, Уладзіміра Дубоўку, Уладзіміра Хадыку, 3мітрака Бядулю і інш.

Распачынае гэты цыкл праект, прымеркаваны да 110-годдзя сябра згуртавання – беларускага паэта і перакладчыка Валерыя Дзмітрыевіча Маракова (1909–1937). Сямнаццацігадовы падлетак стаў вядомым паэтам адразу пасля выхаду сваёй першай кнігі “Пялёсткі” (1926), а выпусціўшы праз год новую – “На залатым пакосе” – зрабіўся адным з куміраў маладых чытачоў. Да пачатку ХХІ ст. імя паэта было малавядомае, пакуль асобай свайго рэпрэсаванага родзіча не зацікавіўся яго пляменнік – пісьменнік Леанід Маракоў (1958–2016), стварыўшы кнігу “Валеры Маракоў. Лёс. Хроніка. Кантэкст” (1999).

Аф_Маракоў.jpg

Валерый Маракоў рана загінуў, пакінуўшы пасля сябе толькі чатыры кнігі паэзіі: “Пялёсткі” (1926), “На залатым пакосе” (1927), “Вяршыні жаданняў” (1930), “Права на зброю” (1933), з поўнымі тэкстамі якіх можна пазнаёміцца ў раздзеле “Сэрца, сагрэтае сумам”. Падрыхтаваны таксама бібліяграфічны спіс яго прыжыццёвых публікацый у перыядычных выданнях, якія знаходзяцца ў фондзе Нацыянальнай бібліятэкі.

У фотагалерэі паэта змешчаны фотаздымкі з асабістага архіва Валерыя Маракова, які захоўваецца ў фондах Дзяржаўнага музея гісторыі беларускай літаратуры і Беларускага дзяржаўнага архіва-музея літаратуры і мастацтва.

Творчасць паэта даследавалі К. Камейша, В. Рагойша, А. Бельскі, М. Мішчанчук, С. Грахоўскі і інш, кнігі і артыкулы якіх прадстаўлены ў асобным раздзеле, прысвечаным трагічнаму лёсу паэта.

З віртуальным праектам можна пазнаёміцца на беларускамоўнай версіі сайта бібліятэкі. З цягам часу плануецца размяшчэнне матэрыялаў у перакладзе на рускую і англійскую мовы.

Тэлефоны для даведак: (8 017) 293 29 69, (8 017) 293 27 19.

Матэрыял прадстаўлены інфармацыйна-аналітычным аддзелам.

Навіны

Завяршыўся VIII Міжнародны кангрэс “Бібліятэка як феномен культуры”

22 Кас 2021

На працягу двух дзён у Нацыянальнай бібліятэцы Беларусі праходзілі пасяджэнні, круглыя сталы, майстар-класы VIII Міжнароднага кангрэса “Бібліятэка як феномен культуры”. Удзельнікі абмяркоўвалі надзённыя праблемы бібліятэчнай сферы, звязаныя з вызначэннем місіі бібліятэк, іх ролі і месцы ў сучасным грамадстве ва ўмовах пандэміі.

Навіны Нацыянальнай бібліятэкі Беларусі

Выдадзена “Інструкцыя па ўліку i захаванасці фондаў Нацыянальнай бібліятэкі Беларусі”

22 Кас 2021

Выйшла з друку “Інструкцыя па ўліку i захаванасці фондаў Нацыянальнай бібліятэкі Беларусі”, якая ўстанаўлівае адзіныя правілы ўліку i захаванасці дакументаў, што складаюць фонды і калекцыі бібліятэкі.

Навіны Нацыянальнай бібліятэкі Беларусі

Канферэнцыя ў Маскве “Кніжныя помнікі ў аспекце захаванасці” (+відэа)

22 Кас 2021

19–21 кастрычніка ва Усерасійскай дзяржаўнай бібліятэцы замежнай літаратуры імя М.І. Рудаміно прайшла 5-я штогадовая Міждысцыплінарная навукова-практычная канферэнцыя “Кніжныя помнікі ў аспекце захаванасці”.

Навіны Нацыянальнай бібліятэкі Беларусі

Бібліятэка як феномен культуры: завяршыўся першы дзень працы VIII Міжнароднага кангрэса

21 Кас 2021

У Нацыянальнай бібліятэцы Беларусі абмеркавалі актуальныя пытанні бібліятэчнай сферы ў кантэксце новых выклікаў часу і новых магчымасцей і рашэнняў.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

21 Кас 2021

21 кастрычніка ў рамках VIII Міжнароднага кангрэса “Бібліятэка як феномен культуры” адбылося пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

22 Кас 2021

У сённяшнім успрыманні творчай спадчыны Язэпа Драздовіча (1888–1954) на першым плане стаіць выяўленчае мастацтва, узоры якога прадстаўлены ў беларускіх музеях, сабраны пад вокладкамі альбомаў. Літаратурная практыка ў значна меншай ступені рэпрэзентавана і асэнсавана, хоць менавіта яна можа паслужыць ключом да расшыфроўкі кодаў незвычайных, касмічных тэм і сюжэтаў аўтара «Нябесных бегаў» (1931).

Навіны бібліятэк

Бібліятэка – як феномен культуры: адкрыўся штогадовы міжнародны кангрэс

21 Кас 2021

21 кастрычніка ў Нацыянальнай бібліятэцы Беларусі пачаў працу VIII Міжнародны кангрэс “Бібліятэка як феномен культуры”. Тэма гэтага года: “Бібліятэкі ва ўмовах пандэміі: новыя магчымасці, новыя рашэнні”.

Навіны Нацыянальнай бібліятэкі Беларусі

Апублікавана праграма кангрэса “Бібліятэка як феномен культуры”

20 Кас 2021

Апублікавана праграма VІІІ Міжнароднага кангрэса “Бібліятэка як феномен культуры”, які пройдзе 21–22 кастрычніка 2021 года на базе Нацыянальнай бібліятэкі Беларусі.

Навіны Нацыянальнай бібліятэкі Беларусі

Бібліятэкарам