Для карыстальнікаў Нацыянальнай бібліятэкі Беларусі прадоўжаны тэставы доступ да электроннага інфармацыйнага рэсурсу Passport кампаніі Euromonitor International.
Passport – асноўная крыніца міжнародных статыстычных даных для навуковых цэнтраў, навуковых інстытутаў і бібліятэк.
Рэсурс забяспечвае доступ да глабальнай стратэгічнай інфармацыі і аналітычных даследаванняў па розных галінах прамысловасці, нацыянальных рынках і спажыўцах розных краін. Прадстаўлены таксама статыстыка, аналітыка і агляды сусветнага рынку асноўных тавараў, рэйтынгі і профілі кампаній вядучых краін і галін, дэмаграфічныя даныя.
Passport – змястоўная крыніца інфармацыі для навуковых супрацоўнікаў, выкладчыкаў і ўсіх, хто спецыялізуецца ў галіне эканомікі, маркетынгу, бізнесу, сацыялогіі і статыстыкі.
Мова дакументаў – англійская.
Тэставы доступ прадоўжаны да 1 снежня 2017 года.