Сваімі развагамі аб значнасці атрыманых архіўных крыніц дзеліцца гісторык, выкладчык Рэспубліканскага інстытута вышэйшай школы, кандыдат гістарычных навук Анатоль Сцебурака.
Ліставанне прадстаўнікоў роду Храптовічаў і тры кнігі з іх знакамітай бібліятэкі ў Шчорсах, якія былі вернуты ў Беларусь з Германіі у лютым 2020 года, упершыню прадстаўлены ў музеі кнігі на выставе “Кнігазбор Храптовічаў: на шляху вяртання”.
Некалі кнігазбор Храптовічаў, які пачаў збіраць канцлер Іахім Літавор Храптовіч у XVIII стагоддзі, лічыўся адной з найбагацейшых бібліятэк ва Усходняй Еўропе. Як старажытныя кнігі, так і перапіска на французскай мове – гэта надзвычай каштоўныя помнікі свайго часу.
Выстава “Кнігазбор Храптовічаў: на шляху вяртання” будзе працаваць у музеі кнігі (пам. 347) да 30 красавіка 2021 г.
Дата яе завяршэння можа быць зменена.
Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 85.
Матэрыял пададзены навукова-даследчым аддзелам кнігазнаўства.