16 сакавіка ў музеі кнігі адкрылася выстаўка рарытэтаў з Беларусі і Латвіі “Правобраз еўрапейскай Канстытуцыі”.
Выстаўка прысвечана Статуту Вялікага Княства Літоўскага. Продкі беларусаў былі аднымі з першых у свеце, хто атрымаў пісанае права на роднай мове. Дакумент з’явіўся ў XVI стагоддзі, быў перакладзены на лацінскую, нямецкую, рускую, украінскую, французскую мовы і стаў асновай прававой сістэмы некалькіх дзяржаў. Прадстаўленыя на выстаўцы рарытэты пацвярджаюць выкарыстанне беларуска-літоўскай протаканстытуцыі ў розных краінах – ад Балтыйскага да Чорнага мора, у тым ліку ў Латвіі.
Пра Статут ВКЛ у праграме “Контуры” распавёў намеснік генеральнага дырэктара Нацыянальнай бібліятэкі Беларусі Аляксандр Суша.
Падрабязнасці глядзіце на тэлеканале АНТ:
Матэрыял прадастаўлены аддзелам сувязей з грамадскасцю.
