ГалоўнаяНавіныНавіны Нацыянальнай бібліятэкі Беларусі
Дзень роднай мовы ў бібліятэцы
Пра дзень роднай мовы ў бібліятэцы даведаліся гледачы праграмы “Добрай раніцы, Беларусь!”

Пра радзіму на роднай мове

Пра радзіму на роднай мове
Іншыя навіны

21 лютага ў Нацыянальнай бібліятэцы Беларусі ў рамках святкавання Міжнароднага дня роднай мовы прайшло мерапрыемства, прысвечанае Году малой радзімы.

У мерапрыемстве прынялі ўдзел намеснік міністра замежных спраў Рэспублікі Беларусь Андрэй Дапкюнас, кіраўнікі і прадстаўнікі дыпламатычных місій, члены нацыянальнай камісіі Рэспублікі Беларусь па справах ЮНЕСКА.

drm_dyplamaty_9.JPG

“Мы працуем у розных краінах, падарожнічаем па свеце, але ўсё адно застаемся належаць роднай зямлі”, – адкрываючы мерапрыемства, падкрэсліў генеральны дырэктар Нацыянальнай бібліятэкі Беларусі Раман Матульскі. Ён павітаў прысутных і прачытаў радкі з верша “Матчына мова” беларускага паэта Алеся Бачылы.

Урыўкі з твораў сваіх нацыянальных аўтараў пра радзіму прачыталі прадстаўнікі дыпламатычнага корпуса, акрэдытаванага ў Беларусі. Прагучалі словы на англійскай, італьянскай, латвійскай, літоўскай, польскай, рускай, славацкай, украінскай, фінскай, японскай і іншых мовах свету. Адкрыты паказ абраных прадстаўнікамі дыпмісій твораў у арыгінале і перакладах быў арганізаваны дзякуючы багатаму збору кніг, якія захоўваюцца ў фондах “алмаза ведаў”.

Спецыяльна да свята Нацыянальная бібліятэка падрыхтавала фотавыставу “Беларусь: цудоўныя імгненні”, якая складаецца з 20 здымкаў, якія адлюстроўваюць сімвалы, прыроду, культуру нашай радзімы. На працягу 2020 года выстава будзе экспанавацца ў розных краінах Еўропы.

Гасцям прэзентавалі зборнік вершаў беларускіх паэтаў у беларуска-англійскім выданні “Паэтычны скарб з Беларусі. Свята жыцця і творчасці Веры Рыч”, які выйшаў па ініцыятыве Пасольства Беларусі ў Вялікабрытаніі. Асобнік кнігі ўручылі ўсім гасцям у якасці падарунка.

2019_12_19_aleinik_uk1.jpg

МЗС Беларусі прэзентаваў набор стыкераў на беларускай мове, падрыхтаваных да Міжнароднага дня роднай мовы сумесна з кампаніяй “Viber”.

Кампанія А1 правяла фотапрэзентацыю праекта “МовА1” па папулярызацыі беларускай мовы праз арт-інсталяцыі ў выглядзе слова “мова”, якія ў красавіку гэтага года будуць устаноўлены ў абласных цэнтрах Беларусі і могуць выкарыстоўвацца як фотазоны, зоны для адпачынку, а таксама для падлучэння да бясплатнай сеткі Wi-Fi ад А1.

Госці маглі паўдзельнічаць у майстар-класе па тэхніцы стрынг-арт – графічнай тэхніцы, якая дазваляе зрабіць выяву на кардоне пры дапамозе нітак і палачак-цвікоў. Кожны мог зрабіць сувенір з беларускай сімволікай на памяць аб мерапрыемстве.

Таксама жадаючыя маглі стаць удзельнікамі інтэрактыву, выбраць слова на англійскай мове і правільна супаставіць з беларускім арнаментам, пра значэнне якога трэба было здагадацца.

Для гасцей на працягу ўсяго мерапрыемства выступаў фальклорны ансамбль “Грамніцы”.

Матэрыял прадастаўлены аддзелам сувязей з грамадскасцю.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111