У рамках дабрачыннага праекта “Кнізе – другое жыццё”, які ажыццяўляецца кампаніяй ТАА “БЕЛГІПС-ЭКА”, фонды Нацыянальнай бібліятэкі Беларусі папоўніліся чатырма каштоўнымі фаліянтамі.
Бібліятэцы перададзены “Compendium theologie moralis” (1765), “Псалтырь” (1888), “Сочинения Помяловского” (1909), “Сочинения Н.В. Гоголя. Полное собрание в одном томе” (1921). Дадзеныя асобнікі былі выяўлены ў кантэйнерах па зборы макулатуры “БЕЛГІПС-ЭКА”.
Пра папаўненне фондаў Нацыянальнай бібліятэкі Беларусі ўнікальнымі асобнікамі і пра тое, якую культурную каштоўнасць яны маюць для Беларусі, у інтэрв’ю тэлеканалу ЗАТ “Сталічнае тэлебачанне” распавёў намеснік генеральнага дырэктара Нацыянальнай бібліятэкі Беларусі Аляксандр Суша.
Матэрыял пададзены аддзелам сувязей з грамадскасцю.