25 сакавіка 2009 года ў рамках правядзення Дзён грэчаскай культуры ў Рэспубліцы Беларусь у Нацыянальнай бібліятэцы Беларусі адбылося ўрачыстае святочнае мерапрыемства “Под небом Греции cвященной…”.
Арганізатарамі мерапрыемства выступілі Беларускае грамадскае аб’яднанне грэкаў “Пелопоннес”, Пасольства Грэчаскай Рэспублікі ў Расійскай Федэрацыі і Нацыянальная бібліятэка Беларусі.
У мерапрыемстве прынялі ўдзел старшыня савета БГАГ “Пелопоннес” Р.Н. Дзяльянаў, намеснік дырэктара па навуковай рабоце і сувязях з грамадскасцю Л.Г. Кірухіна, намеснік упаўнаважанага па справах рэлігій і нацыянальнасцяў Рэспублікі Беларусь У.Б. Ламека і іншыя.
Ва ўрачыстай абстаноўцы мерапрыемства Беларускім грамадскім аб’яднаннем грэкаў “Пелопоннес” для Нацыянальнай бібліятэкі Беларусі былі перададзены ў дарунак кнігі па гісторыі і культуры Грэцыі. Прайшло ўзнагароджанне пераможцаў алімпіяды па гісторыі культуры і мовы старажытнай і сучаснай Грэцыі, якая адбылася 10 сакавіка 2009 года на базе гімназіі №3 г. Маладзечна.
У праграме мерапрыемства прайшла прэзентацыя кніжна-ілюстрацыйнай экпазіцыі, а таксама выстаўка жывапісу мастакоў Ірыны Гілеп і Паўла Дзімітрыядзі, фотаматэрыялаў, у ліку якіх партрэты герояў нацыянальна-вызваленчага руху Грэцыі (1821–1833 гг.).
У час мерапрыемства сваё майстэрства гледачам прадэманстравалі лаўрэат трох Усебеларускіх фестываляў нацыянальных культур Арцём Ахпаш, лаўрэат 7-га Рэспубліканскага фестывалю нацыянальных культур танцавальны ансамбль “Белые Крылья” цэнтра мастацкай творчасці навучэнцаў г. Маладзечна і лаўрэат 7-га Рэспубліканскага фестывалю нацыянальных культур юная грачанка Ксенія Чалопула.
Мастацкая і кніжная выстаўкі будуць працаваць у мабільнай галерэі (кальцавы калідор, 3-ці паверх) да 25 красавіка 2009 года.
Тэлефон для даведак: 293-28-23, 293-27-67.
Е-mail: pr@nlb.by