2 сакавіка ў межах праекта “Клуб кніжных прафесараў” адбыліся музейныя чытанні. У музеі кнігі дзеткі чыталі казку “Мяне завуць Лахнэска” разам з яе аўтарам – пісьменніцай Аленай Масла.
Добрая і прыгожая казка пра Лахнэску прыйшлася даспадобы маленькім і дарослым. Кніга паказала ўдзельнікам, што кожны можа быць прынцэсай ці рыцарам, навучыла цаніць разнастайнасць свету і сапраўднае шчырае сяброўства.
“Прафесары” вучылі разам беларускую мову, удзельнічалі ў тэатральнай пастаноўцы і малявалі. У падарунак ад аўтаркі кнігі кожны ўдзельнік атрымаў аўтограф на памяць аб сустрэчы.
Матэрыял прадастаўлены навукова-даследчым аддзелам кнігазнаўства.
