19 снежня ў Нацыянальнай бібліятэцы Беларусі адбылася прэзентацыя першага беларускага бібліятэчнага лонгрыда “Беларусь Бібліятэчная”.
Аўтар праекта Марына Пшыбытка распавяла пра тое, як узнікла ідэя стварэння рэсурсу, пазнаёміла гасцей мерапрыемства з яго структурай і прадстаўленай інфармацыяй.
Лонгрыд “Беларусь Бібліятэчная” апісвае сетку бібліятэк краіны, прадстаўляе ўсю разнастайнасць іх дзейнасці, дэманструе ролю ў жыцці сучасных беларусаў.
Больш за 200 фотаздымкаў, 25 відэасюжэтаў і цікавы тэкст дапамагаюць бліжэй пазнаёміцца з дзейнасцю найбуйнейшых бібліятэк Беларусі, даведацца пра займальныя факты, убачыць самыя яркія падзеі і глабальныя праекты, наведаць віртуальныя экскурсіі.
Матэрыял прадастаўлены навукова-даследчым аддзелам бібліятэказнаўства.
