15 кастрычніка ў Літаратурным музеі Петруся Броўкі адбылася значная падзея – першая навукова-практычная канферэнцыя “Паэт і Свет”. Мерапрыемства было прысвечана 115-годдзю з дня нараджэння Петруся Броўкі і 40-годдзю Літаратурнага музея Петруся Броўкі.
На ўрачыстым адкрыцці выступіла Наталля Мізон, загадчык музея, якая прывітала гасцей і выказала спадзяванні, што першая канферэнцыя пакладзе пачатак добрай традыцыі прэзентацыі навуковых і практычных дасягненняў у вывучэнні спадчыны Петруся Броўкі, беларускай гісторыі і літаратуры, актуальнай дзейнасці музеяў Беларусі.
Кіраўнікамі секцый з’яўляліся Аляксандр Гужалоўскі, доктар гістарычных навук, прафесар кафедры этналогіі, музеалогіі і гісторыі мастацтваў Беларускага дзяржаўнага ўніверсітэта, і Ігар Запрудскі, кандыдат філалагічных навук, дацэнт кафедры гісторыі беларускай літаратуры Беларускага дзяржаўнага ўніверсітэта.
У секцыйных пасяджэннях актыўны ўдзел прынялі супрацоўнікі Нацыянальнай бібліятэкі Беларусі, якія выступілі з дакладамі:
- Наталля Гарковіч, кандыдат гістарычных навук, загадчык навукова-даследчага аддзела кнігазнаўства.
Навукова-даследчы аддзел кнігазнаўства Нацыянальнай бібліятэкі Беларусі: папаўненне фондаў каштоўнымі асобнікамі ў 2020 годзе. - Таццяна Сапега, загадчык сектара навукова-праектнай работы навукова-даследчага аддзела кнігазнаўства.
Заняткі па гісторыі кніжнай культуры для дзяцей дыстанцыйна: інавацыйныя напрацоўкі Нацыянальнай бібліятэкі Беларусі. - Людміла Сільнова, вядучы бібліёграф навукова-даследчага аддзела кнігазнаўства.
“З Вашым здымкам адчуваю сябе маладым”: Пятрусь Броўка і фатограф Аляксандр Дзітлаў. - Ксенія Суша, магістр гуманітарных навук, галоўны бібліёграф навукова-даследчага аддзела кнігазнаўства.
“Беларуская савецкая энцыклапедыя” ў культурным кодзе беларускай нацыі. - Юлія Амосава, вядучы бібліёграф інфармацыйна-аналітычнага аддзела.
Раскрыццё фондаў Літаратурнага музея Кузьмы Чорнага ў віртуальным праекце Нацыянальнай бібліятэкі “На хвалі часу, у плыні жыцця”. - Аксана Міронава, вядучы бібліёграф аддзела індэксавання дакументаў.
Песні на вершы П. Броўкі ў фондах Нацыянальнай бібліятэкі Беларусі.
Матэрыял пададзены навукова-даследчым аддзелам кнігазнаўства.