Цыкл экскурсій “Славутыя імёны Бацькаўшчыны” дапаўняецца новымі імёнамі. Да 75-годдзя Перамогі ў Вялікай Айчыннай вайне была падрыхтавана экскурсія па творчасці вядомага беларускага празаіка Васіля Быкава. Першым экскурсантамі сталі навучэнцы Мінскага дзяржаўнага прафесійнага ліцэя № 7 будаўніцтва.
18 снежня для іх была праведзена экскурсія па будынку бібліятэкі і музеі кнігі, а таксама заняткі з прэзентацыяй выданняў Васіля Быкава, фотадакументаў розных гадоў і выяўленчых матэрыялаў з фондаў Нацыянальнай бібліятэкі Беларусі. Навучэнцы пазнаёміліся з асноўнымі падзеямі з біяграфіі пісьменніка, узнавілі веды па яго творах, якія вывучалі ў межах вучэбнай праграмы па беларускай літаратуры.
Прапануем і вам больш даведацца пра жыццё і творчасць нашых славутых землякоў і наведаць інтэрактыўныя вучэбна-пазнавальныя экскурсіі цыкла “Славутыя імёны Бацькаўшчыны”. На сённяшні дзень яны распрацаваны па творчасці Янкі Купалы, Якуба Коласа, Максіма Багдановіча, Кандрата Крапівы, Міхася Зарэцкага, Янкі Маўра, Уладзіміра Караткевіча, Васіля Быкава, Францыска Скарыны і Марка Шагала.
Матэрыял прадастаўлены аддзелам экскурсійна-метадычнай работы.