12 красавіка а 17-й гадзіне ў мабільнай галерэі Нацыянальнай бібліятэкі Беларусі адбудзецца адкрыццё 31-й мастацкай выстаўкі "Товарищества передвижных художественных выcтавок. ХХІ век" (Санкт-Пецярбург).
У Мінск выстаўка прыбывае пасля доўгага падарожжа па гарадах Еўропы. У экспазіцыі будзе прадстаўлена каля 90 работ 36 жывапісцаў, графікаў і скульптараў з Масквы, Санкт-Пецярбурга, Самары і іншых гарадоў Расіі. Сярод аўтараў ёсць і беларускі мастак з Гомеля – А. Гайлевіч.
Мастацкае аб’яднанне “Товарищество передвижных художественных выcтавок. ХХІ век” створана ў 2005 годзе ў Санкт-Пецярбургу з мэтай адраджэння лепшых традыцый рускага мастацтва ў духу твораў Пярова, Шышкіна, Мясаедава, Рэпіна і іншых перадзвіжнікаў ХIХ ст. У адрозненне ад сваіх папярэднікаў цяперашнія перадзвіжнікі прапаноўваюць і іншыя мастацкія канцэпцыі, блізкія прадстаўнікам “Мира искусств”, “Союза русских художников”.
Выстаўка будзе доўжыцца да 20 мая.
Тэлефоны для даведак: 293-28-23, 293-27-67.
Е-mail: pr@nlb.by