17 верасня а 15-й гадзіне ў галерэі “Лабірынт” адбудзецца перадача кніг Бібліятэкай Кангрэса ЗША Нацыянальнай бібліятэцы Беларусі.
Арганізатары мерапрыемства – Нацыянальная бібліятэка Беларусі і Пасольства ЗША ў Рэспубліцы Беларусь.
Бібліятэка Кангрэса ЗША перадае Нацыянальнай бібліятэцы Беларусі каля 1 000 амераканскіх выданняў на англійскай, іспанскай, нямецкай і іншых мовах. Бібліятэчныя фонды папоўняць навуковыя манаграфіі і папулярныя выданні па гісторыі, культуры, мастацтве і архітэктуры ЗША.
У мерапрыемстве возьмуць удзел Часовы Павераны ЗША у Рэспубліцы Беларусь Майкл Скэнлан, прадстаўнікі Міністэрства культуры Рэспублікі Беларусь, супрацоўнікі Нацыянальнай бібліятэкі Беларусі.
Тэлефоны для даведак: 293-28-60, 293-27-67.
Е-mail: pr@nlb.by
