ГалоўнаяНавіныНавіны Нацыянальнай бібліятэкі Беларусі
Урачыстыя мерапрыемствы да Дня бібліятэк
Круглы стол да 950-годдзя Бібліятэкі полацкага Сафійскага сабора і Дня бібліятэк

Перадача ў дар рэдкіх кніг

Перадача ў дар рэдкіх кніг
Іншыя навіны

15 верасня адбылася прымеркаваная да Дня бібліятэк урачыстая цырымонія перадачы ў дар бібліятэцы рэдкіх кніг, арганізаваная ў рамках дабрачыннага праекта “Кнізе – другое жыццё”.


Праект “Кнізе – другое жыццё” ажыццяўляе ТАА “БЕЛГІПС-ЭКА” з 2015 года. Чатыры каштоўныя фаліянты былі знойдзены ў кантэйнерах па зборы макулатуры кампаніі “БЕЛГІПС-ЭКА”. Пасля правядзення кнігазнаўчай экспертызы было прынята рашэнне перадаць выданні ў дар Нацыянальнай бібліятэцы Беларусі.

“На свята прынята дарыць падарункі, а самы лепшы падарунак – гэта кніга”, – адзначыў падчас цырымоніі намеснік дырэктара бібліятэкі Аляксандр Суша.

Фонд “алмазу ведаў” папоўнілі такія рэдкія экзэмпляры, як “Compendium theologie moralis” (1765), “Псалтырь” (1888), “Сочинения Помяловского” (1909), “Сочинения Н.В. Гоголя. Полное собрание в одном томе” (1921).

Асаблівую ўвагу варта надаць кнізе Ф. Пшылецкага (Franciscum Przyłęcki) “Compendium theologie moralis”, якая атрымала статут гісторыка-культурнай каштоўнасці. Яна выдадзена ў 1765 годзе ў Вільні другім выданнем у друкарні ордэна піяраў (каталіцкі манаскі ордэн, які займаецца навучаннем і выхаваннем моладзі; заснаваны ў 1617 годзе і дзейнічае да нашых дзён). Гэты падручнік на лацінскай мове па тэалогіі з’яўляецца ўзорам беларускай і заходнееўрапейскай кніжнай і рэлігійнай культуры XVIII стагоддзя.

Арганізацыя “БЕЛГІПС-ЭКА” збірае кнігі, якія былі ва ўжыванні, падчас кантэйнернага збору макулатуры ў насельніцтва. Да гэтага часу кампанія падоўжыла жыццё 27 тысячам кніг, 21 тысяча з якіх пасля сартавання была перададзена ў 59 арганізацый, у ліку якіх бібліятэкі школ і ВНУ, бальніц, дзіцячыя дамы, SOS-вёскі, хоспіс, выпраўленчыя ўстановы, духоўная акадэмія.

Навіны

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2017

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 Ліс 2020

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

Партрэты: гісторыя бібліятэкі ў асобах

111