18 чэрвеня а 16-й гадзіне ў атрыуме бібліятэкі (2-гі паверх) адбудзецца ўрачыстая цырымонія перадачы ў дар факсімільнага выдання “Кніжная спадчына Францыска Скарыны”.
Узноўленыя шэдэўры сусветнага значэння будуць перададзены кіраўнікам дыпламатычных місій краін, звязаных з лёсам беларускага першадрукара, а таксама бібліятэкам усіх раёнаў Мінскай вобласці.
У 2014 г. Нацыянальная бібліятэка Беларусі сумесна з Белзнешэканомбанкам рэалізавала першую частку агульнанацыянальнага праекта па выпуску факсімільнага выдання поўнага збору кніг Францыска Скарыны: нядаўна ўбачылі свет першыя пяць тамоў.
Выдавецкі праект разлічаны на перыяд 2013–2017 гг. і прымеркаваны да 500-годдзя беларускага кнігадрукавання. Шматтомнае факсімільнае выданне ўпершыню дазволіць сабраць поўны рэпертуар кніг, якія былі надрукаваны Францыскам Скарынам у Празе (1517–1519) і Вільні (1522–1525). У яго аснову пакладзены электронныя копіі найлепш захаваных кніг першадрукара, якія знаходзяцца ў бібліятэках і музеях Беларусі, Расіі, Украіны, Германіі і іншых краін.
Тэлефон для даведак: (8 017) 293 27 56.
Е-mail: pr@nlb.by
Чытайце таксама:
