Работнікі Нацыянальнай бібліятэкі 21 мая ўзялі ўдзел у экскурсійнай паездцы па Мядзельскім і Нарачанскім раёнах Беларусі.
Наведалі экскурсійна-турыстычны комплекс “Аптэкарскі сад”, дзе сабраны ўнікальныя калекцыі траў і кветак, прадэгуставалі беларускі кальвадос на бровары ў Ілава і фітачай, прыгатаваны вопытнымі траўнікамі з мясцовых раслін, а таксама палюбаваліся маляўнічымі азёрамі і касцёлам Ушэсця Найсвяцейшай Дзевы Марыі ў Будславе.
Падчас агляднай экскурсіі па этнакультурным комплексе “Наносы-наваселле” пабывалі ў чатырох музеях – музеі хлеба, самавараў, самагонаварэння і сялянскага побыту, убачылі ветраны Ляхавіцкі млын, паназиралі за працай вадзянога млына, падняліся на аглядную пляцоўку, з якой адкрываецца цудоўны від на возера Нарач.
Экскурсія падарыла калектыву бібліятэкі незабыўныя ўражанні і станоўчыя эмоцыі.
Матэрыял пададзены прафсаюзным камітэтам НББ.
