19–20 мая ў Рэспубліканскім цэнтры алімпійскай падрыхтоўкі “Стайкі” адбыўся фінал XII Рэспубліканскай спартакіяды работнікаў культуры і мастацтва.
Маштабная спартыўная падзея аб’яднала тых, хто не толькі штодня працуе на карысць культуры і мастацтва, але і з фізічнай культурай таксама на ты. Заўзятары і групы падтрымкі віталі ўдзельнікаў каманд горада Мінска, абласных і рэспубліканскіх падведамасных арганізацый Міністэрства культуры Рэспублікі Беларусь.
Удзельнікі спартакіяды высвятлялі, хто ж з іх мацнейшы ў міні-футболе, валейболе, настольным тэнісе, лёгкаатлетычным кросе. З асаблiвым азартам прайшлі спаборніцтвы па дартсе, гіравым спорце і перацягванні каната.
Зборная каманда Нацыянальнай бібліятэкі Беларусі вызначылася ў наступных відах спорту:
- у гіравым спорце 3-е месца заняў Аляксей Вазнюк, вадзіцель легкавога аўтамабіля аддзела матэрыяльна-тэхнічнага забеспячэння;
- у дартсе 3-е месца заваявала Алена Далгаполава, першы намеснік дырэктара па абслугоўванні карыстальнікаў і ідэалогіі;
- у настольным тэнісе 3-е месца дасталася Валерыю Антонаву, загадчыку сектара суправаджэння падсістэм АБІС інфармацыйна-вылічальнага аддзела.
Удзельнікі бібліятэкі паказалі дастойны вынік, заняўшы 6-е месца ў агульнакамандным заліку.
Нягледзячы на тое, што пераможныя месцы дасталіся не ўсім, гэта не сапсавала добрага настрою, якое панавала на спартыўных пляцоўках. Бо актыўны адпачынак на прыродзе плюс азарт і дух спаборніцтваў – гэта заўсёды гарантаваны зарад бадзёрасці і пазітыву!
Дзякуем усім спартсменам за ўдзел, а балельшчыкам – за падтрымку!
Усім – фізкульт-прывітанне!