15 сакавіка ў Нацыянальнай бібліятэцы Беларусі ў рамках рабочага візіту ў Беларусь старшыні ўрада Расійскай Федэрацыі Уладзіміра Пуціна адбылася сустрэча з прэм'ер-міністрам Рэспублікі Беларусь Міхаілам Мясніковічам і пасяджэнне Савета Міністраў Саюзнай дзяржавы.
Падчас пасяджэння Савета Міністраў Саюзнай дзяржавы разгледжаны шэраг пытанняў па шырокім коле расійска-беларускіх адносін і саюзнага будаўніцтва.
У гэты ж дзень у рамках рабочага візіту ў Рэспубліку Беларусь прэм’ер-міністра Рэспублікі Казахстан Карыма Масімава адбылося і пасяджэнне Міждзяржсавета ЕўрАзЭС (вышэйшага органа Мытнага саюза).
Удзельнікі пасяджэння абмеркавалі ход фарміравання Адзінай эканамічнай прасторы, падыходы да кадыфікацыі заканадаўства Мытнага саюза і АЭП, адзіную міграцыйную палітыку адносна трэціх краін, пытанні ўдасканалення дзейнасці наднацыянальных органаў.
Па выніках пасяджэнняў падпісаны шэраг дагавораў і пагадненняў: аб супрацоўніцтве ў будаўніцтве беларускай атамнай электрастанцыі; у галіне даследавання і выкарыстання касмічнай прасторы ў мірных мэтах; аб мерах па забеспячэнні паралельнай работы энергетычных сістэм.