19 чэрвеня 2008 года ў Нацыянальнай бібліятэцы Беларусі адбылося трэцяе пасяджэнне Сумеснай міжурадавай камісіі па двухбаковым супрацоўніцтве паміж Рэспублікай Беларусь і Рэспублікай Узбекістан.
Падчас пасяджэнняў урадавых дэлегацый Рэспублікі Беларусь на чале з намеснікам Прэм’ер-міністра А. Кабяковым і Рэспублікі Узбекістан на чале з намеснікам Прэм’ер-міністра Н. Ханавым былі разгледжаны пытанні павелічэння двухбаковага таваразвароту, развіцця прамысловай кааперацыі ў прыярытэтных галінах эканомікі, супрацоўніцтва ў навукова-тэхнічнай сферы, у сферы турызму і спорту, развіцця дагаворна-прававой базы двухбаковых адносін і г.д.
Для ўдзельнікаў сустрэчы была праведзена экскурсія па будынку Нацыянальнай бібліятэкі Беларусі, падчас якой в.а. дырэктара Л.Г. Кірухіна азнаёміла з гісторыяй і рэсурсамі бібліятэкі, яе магчымасцямі як інфармацыйнага, сацыякультурнага і сацыяпалітычнага цэнтра краіны.
 |
 |
 |
