Дырэктар Нацыянальнай бібліятэкі Беларусі Р.С. Матульскі ўзяў удзел у першым пасяджэнні Рэспубліканскага грамадскага савета па справах культуры і мастацтва.
26 студзеня ў Мірскім замку адбылося першае пасяджэнне Рэспубліканскага грамадскага савета па справах культуры і мастацтва пры Савеце Міністраў Рэспублікі Беларусь пад старшынствам міністра культуры Паўла Латушкі.
Рэспубліканскі савет па справах культуры і мастацтва створаны па пастанове Савета Міністраў ад 24 лістапада 2010 года № 1719 “Аб стварэнні Рэспубліканскага савета па справах культуры і мастацтва пры Савеце Міністраў Рэспублікі Беларусь”.
У склад савета ўвайшлі аўтарытэтныя дзеячы культуры і мастацтва, старшыні творчых саюзаў, папулярныя артысты, навуковыя супрацоўнікі і грамадскія дзеячы. Дырэктар Нацыянальнай бібліятэкі Беларусі Раман Матульскі прадстаўляў у савеце сферу адукацыі, бібліятэчную справу і культурную дзейнасць.
На першым пасяджэнні савета былі разгледжаны пытанні аховы гісторыка-культурнай спадчыны і развіцця тэатральнага мастацтва.