26 студзеня 2009 года ў Нацыянальнай бібліятэцы Беларусі адбылося пашыранае пасяджэнне дырэкцыі па выніках дзейнасці бібліятэкі за 2008 год. У рабоце нарады прыняў удзел намеснік міністра культуры Рэспублікі Беларусь В.І. Кураш.
У пачатку мерапрыемства былі ўручаны ганаровыя граматы Нацыянальнай бібліятэкі Беларусі за шматгадовую добрасумленную і плённую працу супрацоўнікам бібліятэкі Л.І. Курылінай, Ж.Я. Райчонак, В.І. Сайкоўскай і С.А. Сімончык.
На нарадзе былі заслуханы даклады дырэктара Нацыянальнай бібліятэкі Беларусі Р.С. Матульскага, намесніка дырэктара па інфармацыйна-бібліятэчным абслугоўванні А.Е. Далгаполавай, намесніка дырэктара па навуковай рабоце і сувязях з грамадскасцю Л.Г. Кірухінай, начальніка сацыякультурнага цэнтра С.І. Шарамецьева, намесніка дырэктара па эканоміцы і эксплуатацыі будынка С.Б. Каспяровіча, загадчыка аддзела абслугоўвання комплексу інфармацыйна-тэхналагічных сістэм А.У. Шлыкава, загадчыка аддзела вядзення нацыянальнай базы аўтарытэтных запісаў Л.Л. Бушыла і члена прафсаюзнага камітэта А.В. Тулупавай.
Напрыканцы пасяджэння выступіў намеснік міністра культуры Беларусі В.І. Кураш.