Запрашаем удзельнікаў “Клуба кніжных прафесараў” на святочныя музейныя заняткі, якія адбудуцца 19 снежня. Разам створым віншавальныя паштоўкі з малюнкамі Уладзіміра Караткевіча.
У музеі кнігі ўдзельнікі заняткаў паглядзяць выставу “З кніг Уладзіміра Караткевіча”, прымеркаваную да 90-годдзя з дня нараджэння пісьменніка. Дзеткі пераканаюцца, што Уладзімір Караткевіч не толькі выдатны пісьменнік і паэт, а таксама мастак! Ён ствараў экслібрысы для кніг і цудоўна маляваў! Для сваіх сяброў пісьменнік сам рабіў віншавальныя паштоўкі.
Вось такі калядны малюнак і верш даслаў Уладзімір Караткевіч паэту Максіму Танку ў 1957 г. (з фондаў Беларускага дзяржаўнага архіва-музея літаратуры і мастацтва).
З дапамогай малюнкаў любімага беларускага пісьменніка Уладзіміра Караткевіча ўдзельнікі заняткаў створаць свае ўнікальныя паштоўкі да свят.
Час правядзення: 13.00–14.00.
Месца правядзення: музей кнігі (пам. 347).
Кошт наведвання: 4.50.
Тэлефоны для запісу і даведак: (8 044) 579 39 07, (8 017) 293 27 82.
Матэрыял пададзены навукова-даследчым аддзелам кнігазнаўства.