ГалоўнаяНавіныНавіны Нацыянальнай бібліятэкі Беларусі
Круглы стол, прысвечаны Саламеі Русецкай, адбудзецца 13 лістапада
Усё пачыналася ў кастрычніку 17-га...

Партал Нацыянальнай бібліятэкі Беларусі ўвайшоў у шорт-ліст міжнароднага конкурсу лічбавых інавацый ААН

Партал Нацыянальнай бібліятэкі Беларусі ўвайшоў у шорт-ліст міжнароднага конкурсу лічбавых інавацый ААН
Іншыя навіны

Інтэрнэт-партал Нацыянальнай бібліятэкі Беларусі ўвайшоў у фінальны спіс прэтэндэнтаў на перамогу ў конкурсе World Summit Awards у катэгорыі “Культура і турызм”.

World Summit Awards (WSA) – міжнародны конкурс Сусветнага саміту ААН, накіраваны на падтрымку лічбавых інавацый з высокім патэнцыялам уплыву на грамадства. У 2018 годзе на атрыманне прэміі WSA было пададзена 438 заявак з больш чым 100 краін.

Па словах арганізатараў, кожны інфармацыйны прадукт быў ацэнены 8 членамі журы, прадстаўнікамі розных рэгіёнаў свету і з розных прафесійных абласцей, што гарантавала дэмакратычны адбор. Пры аналізе будзе ўлічвацца ўплыў на грамадства лакальнага кантэнту.

4 лістапада анлайн-журы конкурсу выбрала каля 130 лепшых праектаў, у лік якіх патрапіў і інтэрнэт-партал Нацыянальнай бібліятэкі Беларусі. Шорт-ліст удзельнікаў ацэніць вялікае журы WSA, якое і вызначыць у канцы лістапада 5 пераможцаў у кожнай з намінацый.

У сталіцы Ганы – Акры будуць абвешчаныя лаўрэаты міжнароднага конкурсу. Іх узнагароджанне адбудзецца на Глабальным кангрэсе WSA. Папярэдні Глабальны кангрэс прайшоў у Вене (Аўстрыя), сабраўшы звыш 700 удзельнікаў з усяго свету.

Конкурс World Summit Awards праводзіцца з 2003 года ў адпаведнасці з рамачнай праграмай ААН “Інфармацыйнае грамадства”.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Перапіска з Пушкіным і прыжыццёвыя выданні: літаратурная спадчына Адама Міцкевіча ў фондах Нацыянальнай бібліятэкі

22 Сту 2019

У снежні споўнілася 220 гадоў з дня нараджэння першага беларускага паэта-рамантыка Адама Міцкевіча. Нацыянальная бібліятэка Беларусі далучылася да святкавання і прадставіла ў Мінску і Маскве яркія кніжныя выстаўкі.

Навіны Нацыянальнай бібліятэкі Беларусі

“Лісты да Жазефіны”: навуковая і рамантычная кніга на аснове рукапісаў з фонду Нацыянальнай бібліятэкі Беларусі

21 Сту 2019

Бібліятэкай падрыхтавана навуковае выданне “Лісты да Жазефіны: ваенныя шляхі французскага афіцэра. 1805–1812”. Асноўнай гістарычнай крыніцай паслужылі лісты французскага афіцэра Шарля-Піліпа Фіта дэ Сусі да сваёй жонкі, якія зберагаюцца ў фондзе Нацыянальнай бібліятэкі Беларусі.

Навіны Нацыянальнай бібліятэкі Беларусі

Новы відэаўрок па базе даных “Вучоныя Беларусі”

21 Сту 2019

Для карыстальнікаў, якія не маюць магчымасці наведаць нашу бібліятэку, падрыхтаваны відэаўрок па рабоце з базай даных “Вучоныя Беларусі”, які знаёміць з рэсурсам і асноўным алгарытмам пошуку.

Навіны Нацыянальнай бібліятэкі Беларусі

Інстытут Польскі ў Мінску – партнёр у арганізацыі ХV Міжнародных кнігазнаўчых чытанняў

18 Сту 2019

Інстытут Польскі ў Мінску пацвердзіў падтрымку ў арганізацыі ХV Міжнародных кнігазнаўчых чытанняў, дзякуючы якой чакаецца прыезд у Мінск выбітных прадстаўнікоў сучаснага польскага кнігазнаўства.

Навіны Нацыянальнай бібліятэкі Беларусі