15 кастрычніка ў дзіцячым пакоі Нацыянальнай бібліятэкі Беларусі прайшло святочнае мерапрыемства “Парасончык для мамы”, прысвечанае Дню маці.
Хлопчыкі і дзяўчынкі ўдзельнічалі ў цікавых конкурсах, рухавых гульнях, адгадалі загадкі, успомнілі назвы фільмаў і песень, у якіх сустракаецца слова “Мама”.
Шмат ласкавых і далікатных слоў дзеці падарылі маме ў эстафеце “Камплімент матуліным рукам”. Хлопчыкі і дзяўчынкі паказалі свае творчыя здольнасці ў пантаміме “Памочнік”.
Стварэнню святочнай атмасферы спрыялі добрая музыка, майстраванне падарунка для мам і цёплыя ўзаеміны.