29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.
Спецыялістамі аддзела карпаратыўнага ўзаемадзеяння быў падрыхтаваны і прадстаўлены агляд баз даных грамадска-гуманітарнай тэматыкі. На семінары выступіла таксама прадстаўніца кампаніі “БиблиоРоссика” Наталля Юрчанка, якая прадэманстравала магчымасці працы з гэтай электронна-бібліятэчнай сістэмай.
Віртуальная чытальная зала адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання працы з імі. Запрашаем да партнёрства!
Матэрыял пададзены аддзелам карпаратыўнага ўзаемадзеяння.
