9–10 жніўня на базе Лунінецкай раённай цэнтралізаванай бібліятэчнай сістэмы прайшоў міжрэгіянальны семінар для дырэктараў бібліятэчных сістэм Брэсцкай вобласці і загадчыкаў аддзеламі абслугоўвання і інфармацыі цэнтральных раённых (гарадскіх) бібліятэк “Папулярызацыя кнігі ў век лічбавай трансфармацыі”.
Арганізатарамі мерапрыемства выступілі Упраўленне культуры Брэсцкага аблвыканкама, Брэсцкая абласная бібліятэка імя М. Горкага.
У рамках семінара ўдзельнікі пазнаёміліся з працай публічных бібліятэк Лунінецкага раёна, а таксама абмяняліся вопытам па арганізацыі бібліятэчна-інфармацыйнага абслугоўвання карыстальнікаў ва ўмовах лічбавізацыі.
Нацыянальную бібліятэку Беларусі на семінары прадставілі намеснік генеральнага дырэктара – дырэктар па інфармацыйных рэсурсах і абслугоўванні карыстальнікаў Віктар Пшыбытка з відэадакладам “Публічныя бібліятэкі Беларусі: ад інфарматызацыі да лічбавізацыі” і загадчыца аддзела карпаратыўнага ўзаемадзеяння Марына Рудакоўская з дакладам “Электронныя рэсурсы віртуальнай чытальнай залы Нацыянальнай бібліятэкі Беларусі для публічных бібліятэк Брэсцкай вобласці”.
Матэрыял пададзены аддзелам карпаратыўнага ўзаемадзеяння.