З 1 студзеня 2014 года база даных Нацыянальнай бібліятэкі Беларусі “Электронны архіў нацыянальнай перыёдыкі” папоўнілася 19-ю перыядычнымі выданнямі (14 назваў часопісаў і 5 газет).
Сярод іх – перыядычныя выданні, якія ўваходзяць у “Пералік навуковых выданняў Рэспублікі Беларусь для апублікавання вынікаў дысертацыйных даследаванняў”: “Веснік Гродзенскага дзяржаўнага ўніверсітэта імя Я. Купалы” (сер. 1–6), “Вучоныя запіскі Брэсцкага ўніверсітэта імя А.С. Пушкіна”, “Машиностроение”, “Проблемы физики, математики и техники”, “Судовы веснік” з дадаткам “Судебный вестник Плюс: экономическое правосудие”, “Теоретическая и прикладная механика”.
У архіў таксама сталі паступаць гарадская грамадска-палітычная газета “Жодзінскія навіны”, штотыднёвая газета Беларускага рэспубліканскага саюза спажывецкіх таварыстваў “Вести потребкооперации”, рэспубліканская штотыднёвая газета “Вместе!”, “Республиканская строительная газета”.
Да паслуг чытачоў – 390 назваў электронных копій нацыянальных перыядычных выданняў (74 назвы газет, 304 – часопісаў і 12 стужак навін).
Доступ да дакументаў “Электроннага архіва нацыянальнай перыёдыкі” ажыццяўляецца на аснове дагавораў з праваўладальнікамі выданняў толькі праз лакальную сетку Нацыянальнай бібліятэкі Беларусі з усіх аўтаматызаваных рабочых месцаў.