ГалоўнаяНавіныНавіны Нацыянальнай бібліятэкі Беларусі
У бібліятэцы адзначылі Дзень літаб’яднання «Маладняк»
Працягваем вывучаць кітабы

Памяці Рымы Міхайлаўны Чыгіровай

Памяці Рымы Міхайлаўны Чыгіровай
Іншыя навіны

Ва ўзросце 85 гадоў сышла з жыцця ветэран Нацыянальнай бібліятэкі Беларусі, высокакваліфікаваны спецыяліст, вядомы бібліёграф-краязнаўца, грамадскі дзеяч Р.М. Чыгірова.

Рыма Міхайлаўна больш за 40 гадоў (з 1961 г.) прысвяціла працы ў галоўнай бібліятэцы краіны. Значны адрэзак яе прафесійнай дзейнасці быў звязаны з аддзелам беларускай літаратуры і бібліяграфіі, у якім яна прайшла шлях ад бібліятэкара да загадчыка аддзела. З 1988 г. працавала ў навукова-бібліяграфічным аддзеле. Скончыла працоўную дзейнасць у 2002 г.

Р.М. Чыгірова ўнесла значны ўклад у развіццё беларускай бібліяграфіі і бібліяграфазнаўства, бібліятэчнага краязнаўства, у вызначэнне шляхоў іх далейшага развіцця. Займалася аналізам і каардынацыяй бібліяграфічнай дзейнасці бібліятэк Беларусі, яе метадычным забеспячэннем. Працавала над тэрміналогіяй беларускай бібліяграфіі, навуковым абгрунтаваннем вызначэння паняццяў “беларусазнаўчы дакумент”, “нацыянальны дакумент”, “беларусіка”, “бібліятэчнае краязнаўства”, “краязнаўчы дакумент”, “мясцовыя дзеячы”, “ураджэнцы Беларусі”, “ураджэнцы краю” і інш., упершыню ўвяла паняцце “мясцовы дакумент”. Прымала ўдзел у складанні праграмы развіцця рэтраспектыўнай нацыянальнай бібліяграфіі, займалася вывучэннем гісторыі беларускай бібліяграфіі дарэвалюцыйнага часу.

У 2009 г. да 75-гадовага юбілею Р.М. Чыгіровай Нацыянальнай бібліятэкай Беларусі быў створаны біябібліяграфічны інтэрнэт-рэсурс, які з’яўляецца спробай найбольш поўнага ўяўлення пра яе жыццёвы шлях і прафесійную дзейнасць.

Чытайце таксама пра жыццёвы шлях Рымы Міхайлаўны ў артыкуле “Бібліёграф, бібліяграфазнаўца, спецыяліст у галіне бібліятэчнага краязнаўства Р.М. Чыгірова” ў рубрыцы “Партрэты: гісторыя бібліятэкі ў асобах”.

Матэрыял прадастаўлены навукова-даследчым аддзелам бібліяграфіі.

Навіны

Да 23 лютага гендырэктар бібліятэкі стаў госцем перадачы “Арсенал”

24 Лют 2020

У эфіры тэлеканала ВаенТБ генеральны дырэктар Нацыянальнай бібліятэкі Беларусі Раман Матульскі адказаў на пытанні вядучага аб тым, як выглядае вайна ХХI стагоддзя, у чым прычына гістарычных супярэчнасцей і як знайсці ў зменлівай сістэме каардынатаў пункты апоры.

Навіны Нацыянальнай бібліятэкі Беларусі

23 Лют 2020

Усіх нас можна ўмоўна падзяліць на “чытачоў” і “гледачоў”. Звычайна тыя, хто спачатку прачытаў кнігу, рэдка бываюць задаволены экранізацыяй, маўляў, рэжысёр не передаў і паловы. А “глядач” кажа, што кнігі чытаць – час марнаваць: куды лепш паглядзець фільм. Прапаную параўнаць класічныя творы беларускай літаратуры з іх кінаверсіяй, каб усё ж такі зразумець, з чаго пачаць – з кнігі ці кінастужкі.

Навіны бібліятэк

Памiж iмпрэзай i шапiкам

22 Лют 2020

21 лютага мы адсвяткавалі Дзень роднай мовы. Некалi Вальтэр сказаў: “Усе найгалоўныя замежныя мовы можна вывучыць за шэсць гадоў, але для вывучэння сваёй недастаткова i цэлага жыцця”.

Навіны бібліятэк

Сустрэча з адвакатам аб захаванні інтарэсаў непаўналетніх пры разводзе і падзеле маёмасці

21 Лют 2020

20 лютага 2020 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Непаўналетнія: захоўваем інтарэсы пры разводзе і падзеле маёмасці”.

Навіны Нацыянальнай бібліятэкі Беларусі

111