Напярэдадні 9 Мая мы па традыцыі аддаём даніну павагі загінулым на палях бітваў і ўшаноўваем ветэранаў Вялікай Айчыннай вайны.
7 мая Нацыянальная бібліятэка Беларусі далучылася да рэспубліканскай акцыі “Беларусь памятае. Памятаем кожнага”, прысвечанай 75-годдзю Перамогі ў Вялікай Айчыннай вайне.
Дэлегацыя на чале з генеральным дырэктарам Нацыянальнай бібліятэкі Беларусі Раманам Матульскім усклала кветкі да манумента Перамогі – сімвала мужнасці і самаахвярнасці воінаў, партызанаў і падпольшчыкаў, якія загінулі ў гады Вялікай Айчыннай вайны. Памятаць гэты страшны ўрок гісторыі – наш святы абавязак і гарантыя мірнага неба над галавой.
Матэрыял прадастаўлены аддзелам сувязей з грамадскасцю.
Да 75-годдзя Перамогі ў Вялікай Айчыннай вайне Нацыянальная бібліятэка Беларусі падрыхтавала маштабны выставачны праект “Вялікая Перамога”, а таксама віртуальныя праекты “100 дзён да Вялікай Перамогі. Па старонках беларускіх газет 1945 г.” і “Падпольны і партызанскі друк Беларусі”.
Пра цырымонію ўскладання кветак чытайце ў матэрыяле БелТА, а таксама глядзіце ў сюжэце Беларусь 1 і нашым фотарэпартажы: