22 красавіка ў дзіцячым пакоі бібліятэкі прайшоў майстар-клас па ніткаграфіі “Палёт фантазіі”.
Падчас правядзення мерапрыемства, выкарыстоўваючы нетрадыцыйны спосаб малявання з дапамогай нітак і фарбаў, юныя майстры стварылі незвычайныя карціны. Працуючы над сваімі арыгінальнымі малюнкамі, хлопчыкі і дзяўчынкі змаглі адчуць сябе сапраўднымі мастакамі, прылучыцца да выдатнага свету жывапісу і малюнка.
У ходзе заняткаў дзеці паўдзельнічалі ў гульні “Паравозік – маленькі мастак”, паслухалі вершы пра фарбы-колеры, зрабілі гімнастыку для пальчыкаў. Дружалюбныя зносіны і творчая атмасфера спрыялі стварэнню добразычлівага настрою ў прысутных.