16 чэрвеня ў 18.30 у Нацыянальнай бібліятэцы Беларусі адбудзецца творчая гасцёўня “Палітра свабодных гукаў”.
У рамках праграмы запланаваны:
- прэзентацыя дыска медытацыйных кампазіцый “Sfumato” вакалісткі Галіны Парфёнавай і флейтыста Дземетрыуса Спанеаса;
- вакальныя абертонныя імправізацыі ў выкананні Галіны Парфёнавай;
- маляўнічыя імправізацыі на тэмы "Sfumato".
Спявачка Галіна Парфёнава (г. Санкт-Пецярбург) прадстаўляе праграмы канцэртаў і майстар-класаў у Расіі і Еўропе. У яе творчасці злучаюцца еўрапейскія сярэдневяковыя песнапенні з візантыйскай і старажытнарускай царкоўнымі пеўчымі традыцыямі ў спалучэнні з тэхнікай абертоннага спеву. Амерыканскі музыкант і кампазітар грэчаскага паходжання Дземетрыус Спанеас выступаў у Паўночнай Амерыцы, Еўропе і Азіі. З’яўляючыся выканаўцам-эксперыментатарам, які захапляецца імправізацыяй, каляровымі эфектамі, ён імкнецца стварыць бясконцую палітру выражэння, якая выходзіць за межы фізічных магчымасцей яго інструментаў.
У жывапісе тэрмін “sfumato” абазначае тэхніку змяшання фарбаў, якая выкарыстоўваецца для стварэння тонкіх пераходаў колераў і таноў. Прэм’ера дыска ўжо адбылася ў Амерыцы і Расіі.
Запрашаюцца чытачы і супрацоўнікі Нацыянальнай бібліятэкі Беларусі.
Праграма пройдзе ў галерэі “Лабірынт” (3-ці паверх). Уваход з правага боку (з рэстарана “Мегаполіс”).
Мерапрыемства платнае – 5 000 руб. Аплата ў касе бібліятэкі (кіёск, цэнтральны уваход).
Кантактныя тэлефоны: 266-37-37, 293-27-56; МТС (8 029) 7-725-752.