24–25 лістапада ў Маскве, у Расійскай дзяржаўнай бібліятэцы, адбыўся Міжнародны навукова-практычны семінар “Паказальнікі эфектыўнасці дзейнасці нацыянальных бібліятэк краін СНД”.
Арганізатарамі мерапрыемства выступілі Міністэрства культуры і масавых камунікацый Расійскай Федэрацыі, Бібліятэчная асамблея Еўразіі, Рассійская дзяржаўная бібліятэка пры падтрымцы Міждзяржаўнага фонду гуманітарнага супрацоўніцтва
У семінары прынялі ўдзел прадстаўнікі нацыянальных бібліятэк Азербайджана, Беларусі, Казахстана, Кіргізіі, Малдовы, Расіі, Таджыкістана, Украіны і інш. На мерапрыемстве былі абмеркаваны пытанні статыстычнага ўліку дзейнасці нацыянальных бібліятэк, механізмы грамадска-дзяржаўнай ацэнкі іх працы, прадстаўлены вопыт апрабацыі міжнародных стандартызаваных паказчыкаў вымярэння якасці і эфектыўнасці бібліятэчнай дзейнасці. У ходзе семінара ўдзельнікі абменяліся думкамі аб існуючых праблемах статыстычнага уліку, абмеркавалі магчымыя шляхі іх рашэння.
Загадчыца навукова-даледчага аддзела бібліятэказнаўства Нацыянальнай бібліятэкі Беларусі (НББ) М.Г. Алейнік выступіла з дакладам “Эфектыўнасць дзейнасці Нацыянальнай бібліятэкі Беларусі ў сучасных умовах”, у якім прадставіла метады, якія выкарыстоўваюцца ў НББ для вызначэння эфектыўнасці яе дзейнасці, сістэму статыстычных паказчыкаў, распрацаваных ў Нацыянальнай бібліятэцы Беларусі.
Беларускі вопыт выклікаў жывы інтарэс у слухачоў і быў станоўча ацэнены ўдзельнікамі семінара.