14 сакавіка а 16-й гадзіне ў галерэі “Лабірынт” ладзіцца сустрэча з Валянцінай Мікалаеўнай Чартовіч – старшым навуковым супрацоўнікам Цэнтральнага батанічнага саду НАН Беларусі.
Сустрэча адбудзецца ў рамках праекта “Кветкавы рай V”.
Развядзенне пакаёвых кветак – адно з самых папулярных захапленняў у нашы дні. Іх разнастайнасць дазваляе кожнаму чалавеку па-свойму аформіць уласны дом. Кожная расліна, як і любая жывая істота, патрабуе ўвагі і клопату, часам надзвычайнага догляду.
Пад час гутаркі можна будзе даведацца пра ўсе таямніцы свету пакаёвых раслін, раскрыць сакрэты абыходжання з кожным канкрэтным “зялёным выхаванцам”.
