6 снежня ў Нацыянальнай бібліятэцы адбылося падвядзенне вынікаў раённага літаратурнага конкурсу “Дэбют”, прысвечанага творчасці пачынаючых паэтаў і пісьменнікаў.
Конкурс мае больш чым 20-гадовую гісторыю і па-ранейшаму прыцягвае ўвагу аматараў літаратурнай творчасці, садзейнічае раскрыццю новых талентаў, рэалізацыі творчага патэнцыялу жыхароў Першамайскага раёна г. Мінска.
У склад журы ўвайшлі лаўрэат спецыяльнай прэміі Прэзідэнта Рэспублікі Беларусь, беларуская паэтэса, празаік, драматург Раіса Баравікова, заслужаны дзеяч культуры Рэспублікі Беларусь, галоўны рэдактар часопіса “Вясёлка” Уладзімір Ліпскі, генеральны дырэктар рэдакцыі газеты “Шапокляк”, мастак-карыкатурыст Анатоль Гармаза, загадчык аддзела зваротаў грамадзян рэдакцыі газет “Минский курьер” і “Вечерний Минск” Уладзімір Нікалайчук, беларускі пісьменнік, член прэзідыума Саюза пісьменнікаў Беларусі Віктар Праўдзін, галоўны рэдактар часопіса “Качели” Таццяна Гуляева.
Эксперты ацанілі працы ўдзельнікаў па трох тэмах: “З гонарам за мінулае, з клопатам аб сучаснасці, з верай у будучыню”, “Няма смачней вадзіцы, як з роднай крыніцы”, “Не вераць у свеце многія любві”. Пераможцамі і прызёрамі конкурсу сталі 73 удзельнікі.
Арганізатарамі ўрачыстай цырымоніі ўзнагароджання выступілі Нацыянальная бібліятэка Беларусі і Адміністрацыя Першамайскага раёна г. Мінска.
Матэрыял пададзены аддзелам сувязей з грамадскасцю.