21 верасня адбылася цырымонія перадачы кніг у дар Нацыянальнай бібліятэцы Беларусі членам Пастаяннага камітэта Палітбюро Цэнтральнага камітэта Камуністычнай партыі Кітая, сакратаром Цэнтральнай камісіі Камуністычнай партыі Кітая па праверцы дысцыпліны Чжаа Лэцзі.
Ва ўрачыстай частцы цырымоніі ўзялі ўдзел намеснік кіраўніка Адміністрацыі Прэзідэнта Рэспублікі Беларусь Мікалай Снапкоў, міністр міжнароднага аддзела Цэнтральнага камітэта КПК Сун Тао, дырэктар Нацыянальнай бібліятэкі Беларусі Раман Матульскі, а таксама член Пастаяннага камітэта Палітбюро ЦК КПК, сакратар Цэнтральнай камісіі КПК па праверцы дысцыпліны Чжаа Лэцзі.
Падарунак кітайскай дэлегацыі аказаўся сапраўдным багажом ведаў. 770 кілаграмаў, больш за 1 000 кніг! Многія з іх прысвечаны палітыцы, культуры, гісторыі, эканоміцы Паднябеснай, яе нацыянальнай кухні. Вялікі масіў выданняў – гэта творы кітайскіх класікаў у перакладзе на рускую мову. Асабліва прыемным падарункам для Нацыянальнай бібліятэкі сталі кнігі, напісаныя лідарам Кітайскай Народнай Рэспублікі Сі Цзіньпінам.
Атмасфера сустрэчы была цёплай і ветлівай яшчэ і дзякуючы выступленню аспіранткі кафедры беларускай і сусветнай мастацкай культуры Беларускага дзяржаўнага ўніверсітэта культуры і мастацтваў Ван Бэйкэ.
Наведванне бібліятэкі кітайскай дэлегацыяй адбылося ў рамках візіту спадара Чжаа Лэцзі ў Рэспубліку Беларусь.
Глядзіце і чытайце таксама пра падзею тэлесюжэт Белтэлерадыёкампаніі, рэпартаж БелТА і наш фотарэпартаж:
