10 лістапада ў дзіцячым пакоі адбылося творчае мерапрыемства “Падарожжа на папяровым карабліку”, падчас якога хлопчыкі і дзяўчынкі сустрэліся з сучасным дзіцячым паэтам А.В. Смятаніным
Андрэй Смятанін, які ўжо стаў добрым сябрам для наведвальнікаў дзіцячага пакоя, прэзентаваў сваю новую кнігу “Я сижу на облаке” з дзіцячай кніжнай серыі “Настя и Никита”.
Маленькія ўдзельнікі разам з любімым паэтам з захапленнем канструявалі папяровыя караблікі, на якіх потым здзейснілі насычанае “падарожжа” па старонках кнігі. Яркія вершы А.В. Смятаніна паслужылі матывам для вясёлых дзіцячых конкурсаў.
Па заканчэнні сустрэчы самыя актыўныя дзеці атрымалі памятныя прызы і падарункі.