29 чэрвеня ў бібліятэцы прайшла ўрачыстая цырымонія ўручэння дыпломаў аб сярэдняй спецыяльнай педагагічнай адукацыі выпускнікам Мінскага гарадскога педагагічнага каледжа.
Уручэнне дыпломаў – самы хвалюючы момант у жыцці кожнага студэнта, яркі завяршальны акорд, якога чакаюць з нецярпеннем.
Як правіла, цырымонія ўручэння праходзіць у сценах роднай установы, але для Мінскага гарадскога педагагічнага каледжа сённяшняя ўрачыстасць мае асаблівую значнасць – гэта першы выпуск адроджанага ў 2016 годзе педагагічнага каледжа. Сімвалічна, што гэта знамянальная падзея для сістэмы адукацыі сталічнага рэгіёну прайшла ў храме навукі і ведаў – Нацыянальнай бібліятэцы Беларусі.
Запаветны дакумент – дыплом – уручылі 41 будучаму педагогу. У адрас выпускнікоў прагучала шмат віншаванняў і настаўленняў, бо наперадзе новы і адказны жыццёвы этап. Упрыгожылі ўрачыстасць творчыя нумары ў выкананні як саміх выпускнікоў, так і юных таленавітых артыстаў.
Свята завяршылася! Навучэнцы, развітваючыся з выкладчыкамі і аднагрупнікамі, перадалі эстафету добрых традыцый наступным курсам і выпускам.
