11 лютага ў віртуальнай чытальнай зале Нацыянальнай бібліятэкі Беларусі адбылася анлайн-сустрэча з прадстаўнікамі выдавецкага дома “Лань” (Расійская Федэрацыя) – арганізатарамі новага карпаратыўнага праекта для ўстаноў вышэйшай адукацыі “Сеткавая электронная бібліятэка” (СЭБ).
СЭБ прадугледжвае аб’яднанне электронных рэсурсаў універсітэтаў і ўзаемны доступ да іх для ўсіх бібліятэк – удзельніц праекта.
У мерапрыемстве ўзялі ўдзел прадстаўнікі больш за 30 устаноў вышэйшай адукацыі нашай краіны. Семінар стаў віртуальнай пляцоўкай для прыняцця рашэння аб магчымасці далучэння да дадзенага праекта і іншых шляхах пашырэння супрацоўніцтва ў электронным асяроддзі.
Матэрыял пададзены аддзелам карпаратыўнага ўзаемадзеяння.
