ГалоўнаяНавіныНавіны Нацыянальнай бібліятэкі Беларусі
17 верасня – 190 гадоў Гродзенскай абласной навуковай бібліятэцы імя Я.Ф. Карскага
Культ чытання і чытальная дыктатура: раман Міхаіла Елізарава “Библиотекарь”

Новы выпуск зборніка “Здабыткі”

Новы выпуск зборніка “Здабыткі”
Іншыя навіны

Выйшаў з друку 23-ці выпуск зборніка навуковых артыкулаў “Здабыткі: дакументальныя помнікі на Беларусі”.

Зборнік быў заснаваны Нацыянальнай бібліятэкай Беларусі ў 1995 г. і ўжо 25 гадоў публікуе на сваіх старонках даследаванні па гісторыі беларускай кніжнай культуры. На сённяшні дзень ён з’яўляецца вядучым навуковым выданнем Рэспублікі Беларусь у галіне кнігазнаўства.

23-ці выпуск зборніка змяшчае публікацыі, якія ўводзяць у навуковы ўжытак новыя матэрыялы, звязаныя з гісторыяй кніжнай культуры Беларусі. Пад увагай даследчыкаў мастацкія асаблівасці выданняў Францыска Скарыны: публікуецца аналіз яго партрэтнай гравюры (І.М. Зварыка), а таксама робіцца асэнсаванне мастацкіх інавацый у кнігах Ф. Скарыны і іх уплыву на ўсходнеславянскае кнігадрукаванне (А.Ю. Курганава). Працягваецца даследаванне беларускіх буквароў: у зборніку змешчана навуковае апісанне віленскіх падручнікаў 1618–1621 гг. (А.А. Суша). Сярод матэрыялаў выпуску – вывучэнне спадчыны беларускага кнігадрукара Спірыдона Собаля (А.І. Цітавец); аналіз твораў кніжнай графікі, створаных у пачатку XVII ст. у гонар віленскага ваяводы Мікалая Хрыстафора Радзівіла Сіроткі (Т.В. Зяленскі); даследаванне кніжнай прасторы Нясвіжа ў XVIII ст. (В.М. Палунчанка); вывучэнне масонскага кнігавыдання на тэрыторыі Расійскай Імперыі ў XVIII–XIX стст. (А.У. Данілаў, В.В. Нялідкін). Публікуюцца матэрыялы, прысвечаныя рукапіснай і друкаванай спадчыне выдатных дзеячаў беларускай культуры – Уладзіслава Сыракомлі (Б. Гура), Баляслава Ялавецкага (М.М. Шопіна), Антона Грыневіча (А.П. Дзенісенка). У шэрагу артыкулаў асвятляецца лёс беларускіх гістарычных кнігазбораў (каталіцкай парафіяльнай бібліятэкі XVIII ст. у Ляхавічах (П.Ю. Булаты), бібліятэкі Інстытута беларускай культуры 1920-х гг. (Л.Д. Сільнова), разглядаюцца правененцыі і аўтографы як каштоўныя складнікі гісторыі бытавання кнігі (Ю.М. Лаўрык, Д.В. Лісейчыкаў, С.Р. Пахоменкава, Н.М. Усава), даследуецца рукапісная і архіўная спадчына (Я.С. Лысенка, П. Хомік), перыядычны друк (Г.М. Раманенкава). Таксама надрукаваны артыкул, прысвечаны аналізу развіцця беларускай нацыянальнай бібліяграфіі ў 1921–1939 гг. як важнага фактару захавання гістарычнай памяці грамадства (Т.В. Кузьмініч). Раскрываюцца кніжныя калекцыі найбуйнейшых беларускіх навуковых бібліятэк – Нацыянальнай бібліятэкі Беларусі і Цэнтральнай навуковай бібліятэкі імя Якуба Коласа Нацыянальнай акадэміі навук Беларусі.

Зборнік адрасаваны кнігазнаўцам, гісторыкам, філолагам, культуролагам, спецыялістам бібліятэк, музеяў і архіваў, а таксама бібліяфілам і ўсім, хто цікавіцца беларускай і сусветнай кніжнай спадчынай.

Змест выпуска

23-ці і папярэднія выпускі зборніка “Здабыткі: дакументальныя помнікі на Беларусі” можна набыць у кіёску на першым паверсе Нацыянальнай бібліятэкі Беларусі.

Матэрыял падрыхтаваны навукова-даследчым аддзелам кнігазнаўства.

Навіны

31 Кас 2020

У Дзяржаўным музеі гісторыі беларускай літаратуры распачала работу часовая літаратурна-дакументальная экспазіцыя “Творчасць як жыццё...”, прымеркаваная да юбілеяў знакамітых беларускіх драматургаў: 100-годдзя з дня нараджэння Андрэя Макаёнка, 90-годдзя з дня нараджэння Алеся Петрашкевіча і 70-годдзя Аляксея Дударава.

Навіны бібліятэк

Удзел у конкурсе праекта MOST

29 Кас 2020

Праект Еўрапейскага Саюза MOST абвясціў конкурс на кароткі аповед пра здарэнні і ўражанні ўдзельнікаў стажыровак. Цікавыя, пацешныя або кур’ёзныя гісторыі здараюцца нават у сур’ёзных прафесійных паездках. Пераможцамі конкурсу сталі ў тым ліку спецыялісты Нацыянальнай бібліятэкі Беларусі.

Навіны Нацыянальнай бібліятэкі Беларусі

Папулярызацыя рэсурсаў віртуальнай чытальнай залы НББ

30 Кас 2020

29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.

Навіны Нацыянальнай бібліятэкі Беларусі

“Бу!”: даведнік па дамах з прывідамі ў літаратуры

30 Кас 2020

Што можа быць больш прывабным і адначасова страшным для чытача, чым дамы з прывідамі? За апошнюю сотню гадоў мы сталі сведкамі мноства сумных гісторый, дзе галоўныя героі заключаюць здзелку стагоддзя і купляюць дом, у якім яны самі – нечаканыя госці. Мара ператвараецца ў кашмар, а родныя сцены больш не здаюцца бяспечнымі. Прадстаўляем вам даведнік па самай містычна небяспечнай нерухомасці ў літаратуры!

Аўтарскі погляд

30 кастрычніка – 115 гадоў з дня нараджэння народнага мастака Беларусі, выдатнага скульптара Андрэя Ануфрыевіча Бембеля (1905–1986)

30 Кас 2020

Імя мастака добра вядома не толькі знаўцам беларускага мастацтва ХХ стагоддзя, але і шматлікім гасцям нашай краіны. Бо сярод найбольш вядомых турыстычных аб’ектаў мемарыяльны комплекс “Брэсцкая крэпасць-герой”, Курган Славы, манумент Перамогі ў Мінску і многае іншае, аўтарам або суаўтарам стварэння якіх з’яўляўся Андрэй Бембель.

Па старонках беларускага календара

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

111