ГалоўнаяНавіныНавіны Нацыянальнай бібліятэкі Беларусі
У Брэст хочуць вярнуць Біблію, надрукаваную 450 гадоў таму
Міжнародная міграцыя і развіццё

Новы сэнс трохбаковага супрацоўніцтва

Новы сэнс трохбаковага супрацоўніцтва
Іншыя навіны

18 снежня ў бібліятэцы адбылося адкрыццё IV Канферэнцыі міжнароднага гуманітарнага праекта “Мінская ініцыятыва”.


За тры гады існавання “Мінская ініцыятыва” зарэкамендавала сябе як прадуктыўная пляцоўка для перамогі дыялогу і сумесных намаганняў па захаванні адзінай гуманітарнай прасторы Беларусі, Расіі і Украіны.

Сёння ў “беларускім алмазе” міжнародны праект сабраў прадстаўнікоў творчай інтэлігенцыі, маладых пісьменнікаў і перакладчыкаў трох славянскіх краін, каб падвесці вынікі і напоўніць новым сэнсам трохбаковае супрацоўніцтва.

З нагоды адкрыцця канферэнцыі ў адрас удзельнікаў форуму прагучалі прывітальныя словы ад міністра культуры Рэспублікі Беларусь Юрыя Бондара і міністра інфармацыі Рэспублікі Беларусь Аляксандра Карлюкевіча.

Значнасць праекта падкрэслілі ў сваім выступленні спецыяльны прадстаўнік прэзідэнта Расійскай Федэрацыі па міжнародным культурным супрацоўніцтве, сустаршыня праўлення МФГС Міхаіл Швыдкой і дырэктар Нацыянальнага музея Тараса Шаўчэнкі Дзмітрый Стус.

Павітаў гасцей і дырэктар Нацыянальнай бібліятэкі Беларусі Раман Матульскі. “Вельмі прыемна, што «Мінская ініцыятыва» ў чарговы раз праходзіць у Нацыянальнай бібліятэцы Беларусі. Да таго ж гэты год для нас вельмі незвычайны – споўнілася 500 гадоў беларускаму кнігадрукаванню! Гэта важная падзея вяртае нас у тыя часы, калі першадрукар Францыск Скарына выдаў першую друкаваную кнігу на кірыліцы і назваў яе – “Біблія Руска”.

Спрэчкі аб тым, на якую мову пераклаў Скарына сваю кнігу, вядуцца да гэтага часу. Таму, прэзентуючы ва ўсім свеце праект па факсімільным перавыданні кніжнай спадчыны Ф. Скарыны, мы заўсёды гаворым аб нашых агульных каранях і агульнай гісторыі”, – адзначыў дырэктар.

У рамках канферэнцыі прайшла прэзентацыя другога міжнароднага літаратурнага альманаха “Terra Poetica”. Зборнік маладой прозы знаёміць з творчасцю таленавітых пісьменнікаў трох краін – Арыны Гардзей, Валерыі Радунь, Міраслава Лаюка, Уладзіміра Садоўскага, Алены Кісель і інш. І ўсё пра адно – пошук кахання, павагі і ўзаемаразумення.

Нацыянальная бібліятэка Беларусі прадставіла ўвазе гасцей кніжную выстаўку “Захоўваючы нацыянальную кніжную спадчыну”, цэнтральным экспанатам якой стала факсімільнае выданне “Кніжная спадчына Францыска Скарыны”, а таксама выданні, прысвечаныя жыццю і дзейнасці беларускага асветніка. Таксама ўдзельнікі форуму наведалі міжнародную выстаўку “Францыск Скарына і яго эпоха” і пазнаёміліся з каштоўнымі рарытэтамі і арыгінальнымі выданнямі вядомага гуманіста і асветніка.

Навіны

Як трусік Пітэр і Джамайма Крак стварылі першы кніжны мерч

11 Чэр 2021

Пра любое новае захапленне часта хочацца крычаць на ўвесь свет. Зачапіла кніга? Куплю закладкі з цытатамі! Спадабалася музычная група? Хутчэй, трэба купіць футболку з яе лагатыпам! Уразіў новы фільм? Ну, вы зразумелі ход думкі. Чым бы мы ні захапляліся, напэўна ў свеце ўжо ёсць падыходзячы мерч – вопратка, аксесуары і іншыя рэчы з сімволікай. Лічыцца, што эпоха мерчу пачалася з дыснееўскай Беласнежкі і выпуску лялек з галоўнай гераіняй, гномамі і добрымі звярамі-сябрамі. Але мала хто ведае, што першы сапраўдны мерчандайз быў... кніжным. Хвіліначку ўвагі, спадары і спадарыні: сёння мы паглядзім, як трусік Пітэр і Беатрыс Потэр сталі піянерамі ў гэтай няпростай справе і што з гэтага выйшла.

Аўтарскі погляд

Віртуальная чытальная зала НББ для публічных бібліятэк Мінскай вобласці: інфармацыйна-бібліятэчнае абслугоўванне карыстальнікаў у сучасных умовах

10 Чэр 2021

Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.

Навіны Нацыянальнай бібліятэкі Беларусі

Каштоўнае папаўненне фондаў Нацыянальнай бібліятэкі Беларусі

9 Чэр 2021

Фонды бібліятэкі ўвесь час папаўняюцца, але найбольшую цікавасць і каштоўнасць уяўляюць кнігі і экспанаты, якія трапляюць у галоўнае кнігасховішча краіны з уласных палічак саміх аўтараў ці іх нашчадкаў. Сёння мы рады прадставіць вам такое выданне.

Да 100-годдзя літаб'яднання "Маладняк"

Апублікаваныя відэаматэрыялы сімпозіума “Узаемадзеянне бібліятэк, выдавецтваў і кнігараспаўсюджвальнікаў у Расіі і свеце – вопыт і перспектывы”

9 Чэр 2021

У мерапрыемстве ўзялі ўдзел прадстаўнікі нацыянальных бібліятэк розных краін і спецыялісты выдавецкіх і кнігараспаспаўсюджвальных арганізацый.

Навіны Нацыянальнай бібліятэкі Беларусі

Бібліятэкарам
111