З 9 сакавіка бібліятэка выконвае платныя паслугі па праверцы тэкстаў навуковых работ на наяўнасць запазычанняў.
Праверка навуковых работ будзе выконвацца ў базе даных дысертацый, абароненых у Рэспубліцы Беларусь, з дапамогай праграмнага сродку "ПлагіятКантроль", а таксама ў базе даных дысертацый Расійскай дзяржаўнай бібліятэкі, у поўных тэкстах навуковых артыкулаў рэсурсу eLibrary.ru, у рэсурсах Інтэрнэту і іншых калекцыях з дапамогай праграмнага сродку "Антыплагіят".
Для праверкі навуковую работу трэба прадастаўляць у фармаце pdf (тэкст). Сфарміраваная праграмнымі сродкамі інфармацыйная справаздача аб наяўнасці запазычанняў будзе капіравацца на электронны носьбіт заказчыка.
Неабходную кансультацыю па дадзенай паслузе (размер файла, тэрміны выканання і г.д.) можна атрымаць у зале дысертацый (2-гі паверх, пам. 205) або па тэлефонах (8 017) 293 27 20, 293 27 02.
