ГалоўнаяНавіныНавіны Нацыянальнай бібліятэкі Беларусі
Са святам, абаронцы!
На роднай мове: у бібліятэцы прагучалі ўрыўкі з канстытуцый 27 краін свету

Новае выданне ў дапамогу спецыялістам бібліятэчнай справы

Новае выданне ў дапамогу спецыялістам бібліятэчнай справы
Іншыя навіны

Нацыянальная бібліятэка Беларусі (НББ) выпусціла ў свет чарговае навукова-метадычнае выданне ў серыі “БібліяКансультант” ‒ “Нацыянальныя дакументы Беларусі: методыка і тэхналогія сучаснай бібліятэчнай працы”.

У выданні паказаны сучасныя метадычныя рашэнні як па традыцыйных напрамках бібліятэчнай дзейнасці (стварэнне бібліяграфічнага апісання, індэксаванне, камплектаванне фондаў і г.д.), так і па кірунках, практычна не асветленых у айчынным друку (аналіз беларускага нацыянальнага кампаненту ў ліцэнзійных базах даных, методыка каталагізацыі нацыянальных электронных дакументаў сеткавага распаўсюджвання і інш.).

У якасці дадаткаў публікуюцца нарматыўныя дакументы НББ, якія рэгламентуюць працэсы работы з нацыянальнай дакументнай спадчынай (Палажэнне аб фондзе нацыянальных дакументаў, Палажэнне аб зводным электронным інфармацыйным рэсурсе “Нацыянальная бібліяграфія Беларусі” і інш.). Прыводзяцца метадычныя рашэнні па найбольш складаных выпадках і спрэчных пытаннях пры адборы і бібліяграфічнай апрацоўцы нацыянальных дакументаў, прапануюцца таксама падыходы да перыядызацыі айчыннай гісторыі, узгодненыя з Інстытутам гісторыі Нацыянальнай акадэміі навук Беларусі, і інш.

Зборнік падрыхтаваны вялікім аўтарскім калектывам НББ ‒ супрацоўнікамі аддзелаў камплектавання бібліятэчных фондаў, бібліяграфічнай апрацоўкі дакументаў, індэксавання дакументаў, вядзення нацыянальнай базы даных аўтарытэтных запісаў, бібліятэчна-інфармацыйных тэхналогій, карпаратыўнага ўзаемадзеяння і навукова-даследчага аддзела бібліяграфіі.

Выданне будзе спрыяць якаснаму навукова-практычнаму і навукова-метадычнаму забеспячэнню розных кірункаў бібліятэчнай працы, кансалідацыі бібліятэчных устаноў краіны па аднаўленні рэпертуару беларускіх нацыянальных дакументаў.

Матэрыял прадастаўлены навукова-даследчым аддзелам бібліяграфіі.


Навіны

15 лютага споўнілася 95 гадоў з дня нараджэння ветэрана Нацыянальнай бібліятэкі Беларусі – Ігара Валянцінавіча Жолудзева

18 Лют 2020

Ігар Валянцінавіч Жолудзеў нарадзіўся ў 1925 годзе ў г. Ленінградзе. У 1933 годзе пачаў сваё навучанне ў школе. Аднак бязлітасная вайна ўварвалася ў яго бясхмарнае дзяцінства і юнацтва, пабудаваўшы свой сцэнар жыццёвага шляху.

Партрэты: гісторыя бібліятэкі ў асобах

Практыкум па ўжыванні УДК на беларускай мове

18 Лют 2020

У Мінскай абласной бібліятэцы імя А.С. Пушкіна 20 лютага адбудзецца практыкум, прысвечаны ўжыванню міжнароднай класіфікацыйнай сістэмы “Універсальная дзесятковая класіфікацыя” на беларускай мове для арганізацыі краязнаўчых фондаў і іх адлюстравання ў інфармацыйна-пошукавых сістэмах публічных бібліятэк.

Навіны Нацыянальнай бібліятэкі Беларусі

Да 100-годдзя да выхаду газеты “Савецкая Беларусь”

17 Лют 2020

Люты 1920 года адзначыўся выхадам у Смаленску беларускамоўнай газеты “Савецкая Беларусь” – органа Цэнтральнага камітэта Камуністычнай партыі Літвы і Беларусі. Не трэба атаясамліваць гэта перыядычнае выданне з газетай “Советская Белоруссия”, якая пачала друкавацца толькі ў 1927 г.

Праект “Сведкі эпохі: Беларусь на старонках газет 100-гадовай даўніны”

Каштоўнасці і прыярытэты XXI стагоддзя: сацыяльная справядлівасць

19 Лют 2020

З 19 лютага па 17 сакавіка ў зале дакументаў міжнародных арганізацый (пам. 207g) адкрыта тэматычная выстаўка “Каштоўнасці і прыярытэты XXI стагоддзя: сацыяльная справядлівасць”, прысвечаная Сусветнаму дню сацыяльнай справядлівасці.

Кніжныя выстаўкі

111